ఎన్ఎస్ఎస్ వాలంటీర్ ఎ. కె. హర్షవర్ధన్ ను అభినందించిన వీసి
1 min read
పల్లెవెలుగు వెబ్ కర్నూలు: దేశ రాజధాని ఢిల్లీలో జరిగిన రిపబ్లి డే పెరేడ్లో పాల్గొని రాయలసీమ విశ్వవిద్యాలయంతోపాటు కర్నూలుజిల్లా ఖ్యాతిని ఇనుమడింపచేసిన వర్సిటీ ఎన్ఎస్ఎస్ వాలంటీర్ ఎ. కె. హర్షవర్ధన్ ను వర్సిటీ వైస్ ఛాన్సులర్ ఆచార్య ఎన్.టి.కె. నాయక్ అభినందించారు. ఢిల్లీలోని కర్తవ్యపద్లో జరిగిన గణతంత్రదినోత్సవ వేడుకల్లో ఎన్ఎస్ఎస్ తరపున ఎంపికైన హర్షవర్ధన్ వివిధ అంశాల్లో ప్రతిభకనబరచి అధికారుల ప్రశంసలు అందుకోవడంపట్ల వి.సి హర్షం వ్యక్తంచేశారు. హర్షవర్ధను స్ఫూర్తిగా తీసుకొని మరింతమంది విద్యార్థులు ఎన్ఎస్ఎస్ కార్యక్రమాల్లో విరివిగా పాల్గొనాలని రిజిస్ట్రార్ డాక్టర్ బి. విజయ్ కుమార్ నాయుడు పిలుపునిచ్చారు. ప్రాథమిక ఎంపికల దశనుండి పెరేడ్లో పాల్గొనేవివిధ దశల్లో ప్రతిభచూపిన హర్షవర్ధను ఎన్ఎస్ఎస్ కోఆర్డినేటర్ డాక్టర్ పి. నాగరాజు అభినందించారు. జాతీయస్థాయి పెరేడ్లో పాల్గొనేవిధంగా తనకు వివిధ స్థాయిల్లో సహకరించిన యూనివర్సిటీ ఎన్ఎస్ఎస్ విభాగంవారికి, సెయిట్ జోసఫ్ కాలేజీ (సుంకేశులరోడ్) యాజమాన్యానికి హర్షవర్ధన్ ధన్యవాదాలు తెలిపాడు. రిపబ్లిక్ పెరేడ్కు ఎంపికైనప్పటినుండి తిరిగివచ్చేవరకు ప్రోత్సహించిన వర్సిటీ వైస్ ఛాన్సులర్ ఆచార్య ఎన్.టి.కె. నాయక్కు హర్షవర్ధన్ కృతజ్ఞతలు తెలియచేశాడు. ఈ కార్యక్రమంలో వర్సిటీ ఎన్ఎస్ఎస్ ప్రోగ్రాం ఆఫీసర్లు డాక్టర్ కె. వెంకటరత్నం, డాక్టర్ బి. విజయుడు, డాక్టర్ నాగచంద్రుడు, శివప్రసాదరెడ్డి, సెయింట్ జోసఫ్స్ డిగ్రీ కళాశాల (సుంకేశుల రోడ్) ఎన్ఎస్ఎస్ ప్రోగ్రాం ఆఫీసర్ కె. రమేష్ తదితరులు పాల్గొన్నారు.
About Author
