జాతీయ లోక్ అదాలత్ ను జయప్రదం చేయండి
1 min read
జూనియర్ సివిల్ జడ్జి ఎంఎస్ భారతి
పల్లెవెలుగు వెబ్ పత్తికొండ : సెప్టెంబర్ 14 న జరిగే జాతీయ లోక్ అదాలత్ ను జయప్రదం చేయాలని జూనియర్ సివిల్ జడ్జి ఎంఎస్. భారతి కోరారు. శుక్రవారం స్థానిక బార్ అసోసియేషన్ కార్యాలయం లో జూనియర్ సివిల్ జడ్జి ఎంఎస్ భారతి న్యాయవాదులతో ప్రత్యేక సమావేశం నిర్వహించారు. ఈ సందర్భంగా జడ్జి మాట్లాడుతూ, రాష్ట్ర హైకోర్టు ఆదేశాల మేరకు స్థానిక జూనియర్ సివిల్ జడ్జి కోర్టు లో మండల న్యాయ సేవాధికార సంస్థ ఆధ్వర్యంలో సెప్టెంబర్ 14న జాతీయ లోక్ అదాలత్ నిర్వహిస్తున్నట్లు తెలిపారు. న్యాయవాదులు తమ పరిధిలో రాజీ అయ్యే అవకాశం ఉన్న కేసులను గుర్తించి, కక్షిదారులతో మాట్లాడి వీలైనన్ని ఎక్కువ కేసులు పరిష్కారం అయ్యేలా చూడాలని సూచించారు. ఈ సమావేశంలో బార్ అసోసియేషన్ అధ్యక్షుడు రంగస్వామి, ప్రధాన కార్యదర్శి మహేశ్, కోశాధికారి రాజశేఖర్, న్యాయవాదులు సత్య నారాయణ, హుల్తెన్న, ఈరన్న, నాగభూషణరెడ్డి, రమేశ్ బాబు, మల్లికార్జున, నాగేష్,నరసింహయ్య, సురేంద్ర, కృష్ణయ్య, జటంగిరాజు, రవి ప్రకాష్,బాలభాష, వెంకటేశ్వర్లు, ప్రసాద్ బాబు, దామోదర ఆచారి, సూరజ్ నబి, భాస్కర్, పంపాపతి, హరిక్రిష్ణ ,మధు, రజాక్ తదితరులు పాల్గొన్నారు.
About Author
