వివేకా హత్య కేసు.. ఆయన పాత్ర పై షర్మిల వాంగ్మూలం : చంద్రబాబు
1 min read
పల్లెవెలుగువెబ్ : ఏపీ సీఎం వైఎస్ జగన్ మోహన్ రెడ్డిపై ప్రధాన ప్రతిపక్ష నేత నారా చంద్రబాబునాయుడు గురువారం సంచలన ఆరోపణలు చేశారు. టీడీపీ సీనియర్ నేత అయ్యన్నపాత్రుడిని అరెస్ట్ చేసిన వ్యవహారంలో జగన్ సర్కారుతో పాటు సీఐడీ అధికారుల తీరును నిరసిస్తూ గురువారం మధ్యాహ్నం మీడియా సమావేశాన్ని నిర్వహించిన చంద్రబాబు… మాజీ మంత్రి వివేకానందరెడ్డి హత్య కేసును ప్రస్తావిస్తూ జగన్ పై సంచలన ఆరోపణలు గుప్పించారు. అక్రమ కేసులు పెట్టడంలో జగన్ తో పాటు సీబీఐ అధికారులకు కూడా అవార్డులు ఇవ్వాలంటూ చంద్రబాబు వ్యంగ్యంగా అన్నారు. వివేకానందరెడ్డి హత్య కేసులో జగన్ సోదరి వైఎస్ షర్మిల సీబీఐ అధికారులకు వాంగ్మూలం ఇచ్చారని చంద్రబాబు గుర్తు చేశారు. ఈ కేసులో కడప ఎంపీ వైఎస్ అవినాశ్ రెడ్డి, ఆయన తండ్రి వైఎస్ భాస్కరరెడ్డిల ప్రమేయం ఉందని షర్మిల తన వాంగ్మూలంలో పేర్కొన్నారన్నారు.
About Author
