NEWSNEDU

NEWSNEDU | Telugu Latest News | KURNOOL AP

చంద్రబాబు నిజాయితీని ప్రజల్లోకి తీసుకెళ్తున్నాం.. టి.జి భరత్

1 min read

పల్లెవెలుగు వెబ్ కర్నూలు:  టిడిపి అధినేత చంద్రబాబు నాయుడి నిజాయితీని ప్రజల్లోకి తీసుకెళ్లాలని కర్నూలు నియోజకవర్గం తెలుగుదేశం పార్టీ ఇంచార్జి టి.జి భరత్ అన్నారు. నగరంలోని 25 వ వార్డు బిర్లా గడ్డలో ఆయన బాబు ష్యూరిటీ.. భవిష్యత్తుకు గ్యారెంటీ కార్యక్రమంలో భాగంగా ఇంటింటికీ వెళ్లి ప్రజలను కలిశారు. టిడిపి సూపర్ 6 పథకాల గురించి ప్రజలకు వివరించి, చంద్రబాబు అక్రమ అరెస్టు గురించి వివరించారు. స్కిల్ డెవలప్మెంట్ కేసులో ఎలాంటి ఆధారాలు లేకపోయినా ఆయన్ను అరెస్టు చేశారన్నారు. నిజాయితీగా రాజకీయాల్లో ఉన్న వ్యక్తి చంద్రబాబు అన్నారు. రాష్ట్ర అభివ్రుద్ది గురించి తప్ప ఆయనకు వేరే ఆలోచన లేదన్నారు. నగర శివారులోని పుల్లారెడ్డి కాలేజీలో ఏర్పాటుచేసిన నైపుణ్యాభివ్రుద్ది కేంద్రాన్ని సందర్శిస్తే వాస్తవాలు తెలుస్తాయని తెలిపారు. టిడిపి నేతలు క్షేత్ర స్థాయిలోకి వెళ్లి రాష్ట్రంలో ఏం జరుగుతుందో ప్రజలకు అర్థమయ్యేలా వివరించాలని సూచించారు. ప్రజలందరూ ఆలోచించాల్సిన సమయం వచ్చిందన్నారు. తెలుగుదేశం ప్రభుత్వం వస్తే రాష్ట్రంలో అభివృద్ధి కార్యక్రమాలు పెద్ద ఎత్తున జరుగుతాయని చెప్పారు. వచ్చే ఎన్నికల్లో తెలుగుదేశం పార్టీ కచ్చితంగా గెలుస్తుందన్నారు. ఈ కార్యక్రమంలో టిడిపి నగర అధ్యక్షుడు నాగరాజు యాదవ్, నేతలు రాజశేఖర్ యాదవ్, చరణ్ కుమార్ యాదవ్, బంగ్లా రమణ, నాగయ్య, మద్దిలేటి, బాలు, సుధాకర్ రెడ్డి,కల్లు శీను, మధు, సత్యరాజు, శెట్టి రమణ, మోషే సంధ్య, బాలు, రూబెన్, కిరణ్, బాషా, పవన్, అఖిల్, షామెల్, తదితరులు పాల్గొన్నారు.

About Author