యునాని వైద్యశాల అభివృద్ధికి సహకారం అందిస్తాం : టి.జి భరత్
1 min read
పల్లెవెలుగు వెబ్ కర్నూలు: యునాని వైద్యశాల అభివృద్ధి కోసం టీజీవీ సంస్థల తరుపున అవసరమైన సహకారం అందిస్తానని ఆ సంస్థల చైర్మన్, కర్నూలు నియోజకవర్గ టిడిపి ఇంచార్జి టిజి భరత్ తెలిపారు. నగరంలోని యునాని వైద్యశాలతో పాటు, కళాశాలను ఆయన సందర్శించారు. అన్ని విభాగాలు పరిశీలించి అక్కడి వైద్యులు, ప్రిన్సిపాల్ తో మాట్లాడి వివరాలు తెలుసుకున్నారు. అనంతరం ఆయన మాట్లాడుతూ యునాని వైద్యశాల పాతబస్తీ వాసులకు వరం లాంటిదన్నారు. పేద ప్రజలందరూ ఇక్కడ వైద్యసేవల కోసం వస్తుంటారన్నారు. ఈ వైద్యశాల అభివృద్ధి కోసం టీజీవీ సంస్థల తరుపున ఎలాంటి సహాయం చేయడానికైనా సిద్ధంగా ఉన్నట్లు తెలిపారు. ఆసుపత్రిలో తక్షణ సహాయం మేరకు సాదారణ రోగులకు అవసరమైన బెడ్లు, లేబర్ రూమ్ లో బెడ్స్ ఏర్పాటుచేస్తానన్నారు. ఈ కార్యక్రమంలో టిడిపి మైనార్టీ విభాగం రాష్ట్ర కార్యదర్శి జహంగీర్ భాషా, ఇబ్రహీం, ఊట్ల రమేష్, మెహబూబ్ భాషా, తదితరులు పాల్గొన్నారు.
About Author
