మాజీ మంత్రి నారాయణ అరెస్ట్ పై ఎస్పీ ఏమ‌న్నారంటే ?
1 min read
ప‌ల్లెవెలుగువెబ్ : టీడీపీ మాజీ మంత్రి నారాయణ అరెస్ట్‌పై చిత్తూరు ఎస్పీ ప్రెస్ మీట్ పెట్టారు. పదవ తరగతి ప్రశ్నాపత్రం లీక్ కేసులో నారాయణను అరెస్టు చేసినట్లు మీడియా సమావేశంలో చిత్తూరు ఎస్పీ తెలిపారు. నారాయణతోపాటు తిరుపతి డీన్ కూడా అరెస్ట్ చేసినట్లు వెల్లడించారు. సమాధానాలు రాసి లోపలికి పంపే ప్రయత్నం జరిగిందని ఎస్పీ పేర్కొన్నారు. గత నెల 27న వాట్సాప్ లో ప్రశ్న ప్రత్రం వచ్చిందని, టెక్నికల్ ఆధారాలు దొరకడంతో అరెస్ట్ చేశామని ఎస్పీ చెప్పారు. ముందుగానే మాట్లాడి పెట్టుకొని ప్రశ్నపత్రాన్ని లీక్ చేశారని ఎస్పీ తెలిపారు. కాసేపట్లో నారాయణను కోర్టులో హాజరు పరుస్తామని తెలిపారు. మార్కుల కోసం మాల్ ప్రాక్టీస్ చేశారని ఎస్పీ స్పష్టం చేశారు.
About Author
