ఎమ్మెల్సీ అభ్యర్ధి వెన్నపూస రవీంద్రా రెడ్డిని గెలిపించండి
1 min read
– నందికొట్కూరు పట్టణంలో పట్టభద్రుల ఎమ్మెల్సీ ఎన్నికల ప్రచారం ప్రారంభం
పల్లెవెలుగు వెబ్ నందికొట్కూరు: నందికొట్కూరు మున్సిపాలిటీ పరిధిలోని మారుతి నగర్ లో చైర్మన్ దాసి సుధాకర్ రెడ్డి ఆధ్వర్యంలో 12వ వార్డు కౌన్సిలర్ లాలు ప్రసాద్ సోమవారం పట్టభద్రుల ఎమ్మెల్సీ ఎన్నికల ప్రచారం నిర్వహించారు. అభివృద్ధి, సంక్షేమం రెండూ కలగలిపి పాలన చేస్తున్న మన రాష్ట్ర ముఖ్యమంత్రి వైయస్ జగన్ మోహన్ రెడ్డి ఆశీస్సులతో పశ్చిమ రాయలసీమ పట్టభద్రుల ఎమ్మెల్సీ అభ్యర్థిగా వెన్నపూస రవింద్రారెడ్డి కి అవకాశం కల్పించడం జరిగిందన్నారు. రాష్ట్ర యువజన విభాగం అధ్యక్షులు, శాప్ చైర్మన్ బైరెడ్డి సిద్ధార్థ రెడ్డి ఆదేశాల మేరకు నందికొట్కూరు పట్టణంలో మున్సిపల్ చైర్మన్ దాసి సుధాకర్ రెడ్డి ఆధ్వర్యంలో పట్టభద్రుల ఎమ్మెల్సీ ఎన్నికల ప్రచారం నిర్వహించారు. ఈ సందర్భంగా పట్టణంలోని మారుతి నగర్ 12వ వార్డు లోని శ్రీ ఆంజనేయ స్వామి దేవాలయం లో ప్రత్యేక పూజలు చేసి మొదటి రోజు ఎన్నికల ప్రచారం ప్రారంభించారు. వార్డు లోని పట్టభద్రుల గడప గడపకు వెళ్ళి వైసీపీ ఎమ్మెల్సీ అభ్యర్థి వెన్నపూస రవింద్రా రెడ్డి కి మొదటి ప్రాధాన్యత ఓటు వేసి గెలిపించాలని కోరారు. ఈ కార్యక్రమంలో వైసిపి పట్టణ కన్వీనర్ అబుబక్కర్ , వైసీపీ నాయకులు మధుసూదన రెడ్డి, ముచ్చుమర్రి భాష, బొల్లెద్దుల ఏసన్న, మార్కెట్ రాజు, బొట్టు రవి, పి.రమేష్, రాజనాలు, బి.రవి, గంగాధర్ గౌడ్, రమణ, పట్టణ వైసిపి సోషల్ మీడియా కో-కన్వీనర్ లు చరణ్ తేజ, బండారి ప్రవీణ్ లు పాల్గొన్నారు.
About Author
