పుస్తకాలతోనే.. జ్ఞానం పెంపు..
1 min read
పల్లెవెలుగు వెబ్, వెలుగోడు: పుస్తకాలతోనే జ్ఞానం పెంపొందించుకోవచ్చని వెలుగోడు సర్పంచ్ వేల్పుల జయపాల్ సూచించారు. ఆదివారం వెలుగోడు గ్రంథాలయంలో పుస్తక ప్రదర్శనన కార్యక్రమాన్ని సర్పంచ్ ప్రారంభించారు. ఈ సందర్భంగా సర్పంచ్ జయపాల్ మాట్లాడుతూ జిల్లా గ్రంథాలయం నుంచి పంపిణీ చేసిన 660 పుస్తకాలను ప్రదర్శించారని, ప్రతిఒక్కరూ పుస్తకాలు చదవాలని సూచించారు. ప్రతి రోజు ఉదయం 8 గంటల నుంచి మధ్యాహ్నం 2 గంటల వరకు గ్రంథాలయం తెరిచి ఉంటుందని, ప్రజలు, పిల్లలు, యువత సద్వినియోగం చేసుకోవాలని కోరారు. కార్యక్రమంలో సింగిల్ విండో చైర్మన్ మండ్ల శంకర్ రెడ్డి , ఎంపిటిసి జగదాంబ లాలం రమేష్ , హరినాథరెడ్డి తదితరులు పాల్గొన్నారు.
About Author
