కమిటీలతో.. ‘అంగన్వాడీ’ లు అభివృద్ధి
1 min read
కమిటీల ఉద్దేశ్యం వివరిస్తున్న పీడీ పద్మజ
పల్లెవెలుగు వెబ్, కడప: జిల్లాలో అంగన్వాడీ కేంద్రాల అభివృద్ధి కోసం కమిటీలను ఏర్పాటు చేస్తున్నామని పీడీ పద్మజ తెలిపారు. బుధవారం కడప కలెక్టరేట్లో ఏర్పాటు చేసిన సమావేశంలో పీడీ మాట్లాడారు. అంగన్వాడి అభివృద్ధి కమిటీ సభ్యులుగా అంగన్వాడీ కార్యకర్త, ఐసిడిఎస్ సూపర్వైజర్, సచివాలయం ఇంజనీరింగ్ అసిస్టెంట్ , మహిళా సంరక్షణ కార్యదర్శి (ఎం ఎస్ కె), అంగన్వాడీ కేంద్రాలకు హాజరవుతున్న 2 నుండి 4 సంవత్సరాల వయస్సు గల పిల్లల తల్లులు ముగ్గురు తల్లులతో అంగన్వాడి అభివృద్ధి కమిటీ ని ఏర్పాటు చేయాలని సూచించారు. నాడు – నేడు కార్యక్రమంలో ప్రతిపాదించన అంగన్వాడి కేంద్రాలలో ఉన్న వసతులను మెరుగు పరచడం లేదా కొత్త నిర్మాణం కు సంబంధించిన పనులు చేయించుకోవటం ఈ కమిటీ ఏర్పాటు యొక్క ముఖ్య ఉద్దేశమన్నారు. ఈ కమిటీకి సచివాలయం ఇంజనీరింగ్ అసిస్టెంట్ కమిటీ కన్వీనర్ గా వ్యవహరిస్తారని తెలిపారు. ఈ కార్యక్రమంలో సి డి పి ఓ ఎస్ శ్రీలత ,ముంతాజ్, హైమావతి, సూపర్వైజర్లు నోడల్ అధికారి శ్రీదేవి, ఏ పి డి నిర్మల పద్మావతి తదితరులు పాల్గొన్నారు.
About Author
