సచివాలయ వ్యవస్థతోనే.. రాష్ట్ర అభివృద్ధి
1 min read
– వైసీపీ మండల నాయకుడు ఆర్. బి. చంద్రశేఖర్ రెడ్డి
పల్లెవెలుగు వెబ్, గడివేముల: గ్రామ సచివాలయ వ్యవస్థతోనే రాష్ట్రం అభివృద్ధిలో పురోగతి సాధిస్తోందన్నారు వైసీపీ మండల నాయకుడు ఆర్.బి. చంద్రశేఖర్ రెడ్డి. సచివాలయం ఉద్యోగులు, వాలంటీర్ల విశిష్ట సేవల కారణంగా ప్రజా సమస్యలు క్షణాల్లో పరిష్కారం అవుతున్నాయని స్పష్టం చేశారు. కరోన విపత్కర సమయంలో గ్రామ సచివాలయ ఉద్యోగులు,వాలంటీర్ల సేవలు మరువలేమన్నారు. ఆ వ్యవస్థను దేశ ప్రధాని నరేంద్రమోదీ అభినందించిన విషయాన్ని ఈ సందర్భంగా ఆర్.బి. చంద్రశేఖర్ రెడ్డి గుర్తు చేశారు. గ్రామ సచివాలయ వాలంటీర్ల వ్యవస్థ రద్దు కోరుతూ ప్రతిపక్ష టీడీపీ హైకోర్టులో పిటిషన్ వేసింది. ఇందుకు నిరసనగా వైసీపీ మండల నాయకుడు ఆర్.బి. చంద్రశేఖర్ రెడ్డి సచివాలయ ఉద్యోగులు, వాలంటీర్లతో కలిసి గురువారం నిరసన తెలిపారు.
ఈ సందర్భంగా మండల వైసీపీ నాయకులడు, సహకార సంఘం సొసైటీ చైర్మన్ ఆర్ బీ చంద్ర శేఖర్ రెడ్డి మాట్లాడుతూ సచివాలయం ఏర్పాటు ద్వారా 14 శాఖల అధికారులు అందుబాటులో ఉంటారని, 523 పౌర సేవలను అందించడం జరుగుతుందని, ఏప్పుడు ఏ సమస్య వచ్చిన అధికారులకి తెలియచేయవచ్చని తెలిపారు. వాస్తవాలు తెలుసుకుని.. టీడీపీ నాయకులు వ్యవహరించాలని, లేదంటే ప్రజలు మరోసారి బుద్ధి చెప్పే సమయం దగ్గర పడుతోందని వైసీపీ మండల నాయకుడు ఆర్.బి. చంద్రశేఖర్ రెడ్డి హెచ్చరించారు. కార్యక్రమంలో మండల నాయకులు భూపాల్ రెడ్డి, ఆర్ఐ సంజీవరెడ్డి. ఉప సర్పంచ్ బాల చెన్ని. వంగాలా మహేష్, దేశం నాగేశ్వర్ రెడ్డి, నంద్యాల వెంకటేశ్వర్లు గ్రామ సచివాల సిబ్బంది వాలంటీర్లు పాల్గొన్నారు.
About Author
