యర్రగుంట్ల.. వైసీపీ క్లీన్​స్వీప్​

20 వార్డుల్లోనూ విజయఢంకా మోగించిన వైసీపీ
పల్లెవెలుగు, యర్రగుంట్ల;
కడప జిల్లా యర్రగుంట్ల మున్సిపాలిటీ వైసీపీ కైవసం చేసుకుంది. మున్సిపాలిటీ పరిధిలో మొత్తం 20 వార్డులు ఉండగా అందులో 13 ఏకగ్రీవమయ్యాయి. మిగిలిన 7 వార్డులకు ఎన్నికలు జరగగా… వాటికి సంబంధించి ఆదివారం ఉదయం 8 గంటల నుంచి కౌంటింగ్​ ప్రారంభమైంది. ఉదయం 10.30 గంటలలోపు ఏడు వార్డులకు సంబంధించిన ఎన్నికల ఫలితాలు వెలువడ్డాయి. అందులో 1 వార్డు వైసిపి అభ్యర్థి మోపూరి తెరీసా 105 ఓట్ల మెజార్టీతో విజయం సాధించగా.. 4 వ వార్డులో వైసిపి అభ్యర్థి కల్లూరి సునీత 114 ఓట్ల మెజారిటీ, 6వ వార్డు వైసిపి అభ్యర్థి కె. నాగిరెడ్డి 186 ఓట్ల మెజారిటీ, 7 వ వార్డు వైసిపి అభ్యర్థి యర్రంరెడ్డి లావణ్య 474 ఓట్ల మెజారిటీ, 11 వ వార్డు వైసిపి అభ్యర్థి అబ్దుల్ రషీద్ 153 ఓట్లు, 13 వ వార్డు వైసిపి అభ్యర్థి కరీమున్నీసా 304, 14 వ వార్డు వైసిపి అభ్యర్థి జంషాద్ 96 ఓట్ల మెజారిటీతో విజయం సాధించారు. ఉత్కంఠ భరితంగా సాగిన ఎన్నికలకు ఆదివారం తెరపడింది.
విజయానందం..
మున్సిపాలిటీ పరిధిలో బరిలో నిలిచిన ఏడుగురు వైసీపీ అభ్యర్థులు విజయఢంకా మోగించడంతో అమితానందంలో మునిగితేలారు. ఉదయం 8 గంటలకు కౌంటింగ్​ ప్రారంభమైనప్పటి నుంచి ఎంతో టెన్షన్​తో ఉన్న అభ్యర్థులకు విజయం వరించడంతో వారి ఆనందానికి హద్దు లేకపోయింది.

About Author

PALLEVELUGU

See author's posts