యంగ్‌ టైగర్ దూకుడు..
1 min read
సినిమా డెస్క్ : యంగ్‌ టైగర్ ఎన్టీఆర్ చేతిలో ఉన్న మూడు ప్రాజెక్టుల గురించి అందరిలో ఆసక్తి నెలకొంది. అన్నీ బిగ్‌ ప్రాజెక్ట్స్‌ కావడంతో అంచనాలు భారీగా ఉన్నాయి. రాజమౌళి దర్శకత్వంలో ఆయన చేస్తున్న‘ఆర్ ఆర్ ఆర్’ మూవీ త్వరలో షూటింగు పార్టును పూర్తిచేసుకోనుంది. దసరా కానుకగా ఈ సినిమాను ప్రపంచవ్యాప్తంగా విడుదల చేయనున్నారు. ఆ తరువాత కొరటాల శివ, ప్రశాంత్ నీల్ ప్రాజెక్టులకు ఎన్టీఆర్ గ్రీన్ సిగ్నల్ ఇచ్చారు. ఈ రెండు సినిమాల్లో ప్రశాంత్ నీల్ సినిమా మాత్రమే పాన్ ఇండియా సినిమా అని అనుకున్నారు. కానీ కొరటాల సినిమా కూడా పాన్ ఇండియా స్థాయిలోనే రూపొందనుందని తెలుస్తోంది. వీరిద్దరి కాంబోలో తెరకెక్కనున్న ఈ సినిమా బడ్జెట్ 200 కోట్లు అని చెప్పుకుంటున్నారు. కల్యాణ్ రామ్ కూడా ఈ సినిమా నిర్మాణంలో భాగస్వామి అనే విషయం తెలిసిందే. హీరోయిన్‌ కియారా అద్వాని పేరు వినిపిస్తోంది గానీ, క్లారిటీ రావలసి ఉంది.
About Author
