ఓట‌ర్ల జాబితాలో మీ పేరు లేదా .. అయితే న‌మోదు చేసుకోండి !

ప‌ల్లెవెలుగు వెబ్ : కొత్తగా ఓట‌ర్ల న‌మోదుకు అవ‌కాశం క‌ల్పిస్తూ కేంద్ర ఎన్నిక‌ల సంఘం ప్రత్యేక స‌వ‌ర‌ణ కార్యక్రమాన్ని ప్రక‌టించింది. 2022 జ‌న‌వ‌రి 1 తేది నాటికి 18 ఏళ్లు నిండుతున్న వారు ఓట‌ర్లుగా న‌మోదు చేసుకోవ‌డానికి అవ‌కాశం క‌ల్పిస్తూ స‌వ‌ర‌ణ నోటిఫికేష‌న్ జారీ చేసింది. వారితో పాటు గ‌తంలో ఓట‌ర్లుగా నమోదు చేసుకోని వారికి కూడ అవ‌కాశం క‌ల్పిస్తోంది. ఈ మేర‌కు ఏపీ ఎన్నిక‌ల అధికారి విజ‌యానంద్ ప్రక‌ట‌న విడుద‌ల చేశారు. 2021 న‌వంబర్ 1న ముసాయిదా ఓట‌రు జాబితా విడుద‌ల చేయ‌నున్నారు. న‌వంబ‌ర్ 30 వ‌ర‌కు అభ్యంత‌రాలు స్వీక‌రిస్తారు. క్షేత్ర స్థాయిలో ఏర్పాటు చేసిన పోలింగ్ కేంద్రాల‌తో పాటు http://www.nvsp.in వెబ్ సైట్ ద్వార ద‌ర‌ఖాస్తు మార్పు,చేర్పుల‌కు అవ‌కాశం క‌ల్పిస్తారు. డిసెంబ‌ర్ 20 నాటికి అభ్యంత‌రాల ప‌రిశీల‌న పూర్తీ చేసి జ‌న‌వ‌రి 5వ తేదిన తుది జాబితా విడుద‌ల చేస్తామ‌ని ఎన్నిక‌ల అధికారి విజ‌యానంద్ పేర్కొన్నారు.

About Author

PALLEVELUGU

See author's posts