యువత ప్రజల్లో చైతన్యం తీసుకురావాలి: టి.జి భరత్
1 min read
పల్లెవెలుగు వెబ్ కర్నూలు: తెలుగుదేశం పార్టీలో ఉన్న యువ నాయకులంతా కష్టపడి పనిచేయాలని కర్నూలు నియోజకవర్గ తెలుగుదేశం పార్టీ ఇంచార్జి టిజి భరత్ చెప్పారు. శనివారం నగరంలోని మౌర్య ఇన్ లో 6వ వార్డుకు చెందిన మాబాష ఆధ్వర్యంలో జావీద్ యూత్ తెలుగుదేశం పార్టీలో చేరారు. టిజి భరత్ వీరికి కండువా కప్పి పార్టీలోకి ఆహ్వానించారు. ఈ సందర్భంగా టిజి భరత్ మాట్లాడుతూ పార్టీలో చేరిన యువకులంతా కష్టపడి పని చేయాలన్నారు. వార్డుల్లోని ప్రజలను కలుస్తూ వారిలో చైతన్యం తీసుకురావాలన్నారు. తాను ఎమ్మెల్యే అయితే కర్నూలును అన్ని విధాలా డెవలప్మెంట్ చేస్తానని చెప్పారు. తనకు ఒక్క అవకాశం ఇవ్వాలని ప్రజలను కోరుతున్నట్లు చెప్పారు. తాను ఎమ్మెల్యే అయితే కర్నూలుకు పరిశ్రమలు తీసుకొచ్చి ఇక్కడి ప్రజలకు ఉద్యోగ, ఉపాది అవకాశాలు కల్పిస్తానని చెప్పారు. ఈ కార్యక్రమంలో టిడిపి మైనార్టీ విభాగం రాష్ట్ర కార్యదర్శి జహంగీర్ భాష, వార్డు ఇంచార్జి ఇబ్రహీం, మెహబూబ్, నయీం, ఇలియాజ్, సమీఉల్లా, జహీర్, సుహేల్, తదితరులు పాల్గొన్నారు.
About Author
