వైఎస్ షర్మిల పర్యటన..విజయవంతం
1 min read![](https://i0.wp.com/newsnedu.com/wp-content/uploads/2024/01/297.jpg?fit=550%2C411&ssl=1)
కాంగ్రెస్ అభిమానులకు కృతజ్ఞతలు
- కాంగ్రెస్ నాయకులు, శ్రీ గాయత్రి హాస్పిటల్ ఎం.డి. షేక్ జిలాని బాష
కర్నూలు, పల్లెవెలుగు:ఆంధ్ర ప్రదేశ్ కాంగ్రెస్ కమిటీ అధ్యక్షురాలు వైఎస్ షర్మిల పర్యటన విజయవంతమైందని, ఇందుకు ఉమ్మడి కర్నూలు జిల్లా ప్రజలకు కృతజ్ఞతలు తెలుపుతున్నానన్నారు కాంగ్రెస్ నాయకులు, శ్రీ గాయత్రి హాస్పిటల్ ఎం.డి. షేక్ జిలాని బాష. మంగళవారం ఆయన విలేకరులతో మాట్లాడుతూ పీసీసీ రాష్ట్ర అధ్యక్షురాలిగా బాధ్యతలు చేపట్టిన తరువాత మొదటి సారి కర్నూలు పర్యటనకు వచ్చిన సందర్భంగా వైఎస్ షర్మిలకు కర్నూలు జిల్లా ప్రజలు, కాంగ్రెస్ అభిమానులు, కార్యకర్తలు, నాయకులు బ్రహ్మరథం పట్టారన్నారు. వైఎస్ షర్మిల సమక్షంలో రెండువేల మందితో కలిసి కాంగ్రెస్ పార్టీలో చేరానని, కర్నూలు డీసీసీ అధ్యక్షుడు బాబురావు, నంద్యాల పార్లమెంట్ అధ్యక్షుడు లక్ష్మినరసింహ నేతృత్వంలో పని చేస్తానని ఈ సందర్భంగా జిలాని బాష పేర్కొన్నారు. కాంగ్రెస్ పార్టీ సముద్రం లాంటిదని, అందరినీ కలుపుకొని వెళ్తుందన్న ఆయన… పార్టీ బలోపేతానికి నిరంతరం కృషి చేస్తానని వెల్లడించారు. వచ్చే సార్వత్రిక ఎన్నికల్లో కాంగ్రెస్ పార్టీని భారీ మెజార్టీతో గెలిపించాలని ఈ సందర్భంగా కాంగ్రెస్ నాయకులు, శ్రీ గాయత్రి హాస్పిటల్ ఎం.డి. షేక్ జిలాని బాష ఉమ్మడి కర్నూలు జిల్లా ప్రజలను కోరారు.