అశోకా ఉమెన్స్ ఇంజినీరింగ్ కళాశాలలో ఆన్-క్యాంపస్ నియామక డ్రైవ్ రెండో దశ
1 min read
కర్నూలు, న్యూస్ నేడు: అశోకా ఉమెన్స్ ఇంజినీరింగ్ కళాశాలలో బుధవారం, మే 20, 2026న ప్రముఖ సాఫ్ట్వేర్ సంస్థ Automatic Data Processing(ADP) ఆధ్వర్యంలో ఆన్-క్యాంపస్ నియామక డ్రైవ్ రెండో దశ మరియు హెచ్ఆర్ రౌండ్ నిర్వహించారు. ఈ నియామక ప్రక్రియలో కళాశాలకు చెందిన విద్యార్థినులు ఉత్సాహంగా పాల్గొన్నారు.ఈ నియామక డ్రైవ్ తొలి దశను మే 12, 2026న నిర్వహించగా, మొత్తం 450 మంది విద్యార్థినులు పాల్గొన్నారు. వారిలో ప్రతిభ కనబరిచిన 60 మంది విద్యార్థినులను రెండో దశ మరియు హెచ్ఆర్ రౌండ్కు ఎంపిక చేశారు. తుది దశలో ఎంపికైన విద్యార్థినులకు సాఫ్ట్వేర్ డెవలపర్ హోదాలో సంస్థ నియామక పత్రాలను అందించనున్నట్లు సంస్థ ప్రతినిధులు తెలిపారు.కళాశాలలో నాణ్యమైన సాంకేతిక విద్యతో పాటు పరిశ్రమ అవసరాలకు అనుగుణంగా ప్రత్యేక శిక్షణా కార్యక్రమాలు నిర్వహించడం వల్లే విద్యార్థినులు జాతీయ స్థాయి సంస్థల్లో అవకాశాలు సాధిస్తున్నారని కళాశాల యాజమాన్యం పేర్కొంది. ఆధునిక ప్రయోగశాలలు, నైపుణ్యాభివృద్ధి కార్యక్రమాలు, కమ్యూనికేషన్ స్కిల్స్ శిక్షణ మరియు ప్లేస్మెంట్ మార్గదర్శకత ద్వారా విద్యార్థినులను ఉద్యోగాలకు సిద్ధం చేస్తున్నట్లు తెలిపారు.ఈ నియామక డ్రైవ్ను కళాశాల ట్రైనింగ్ అండ్ ప్లేస్మెంట్ ఆఫీసర్ శ్రీమతి జస్విందర్ కౌర్ మరియు ట్రైనింగ్ అండ్ ప్లేస్మెంట్ బృందం సమర్థవంతంగా నిర్వహించారు.
About Author
