ఘనంగా ప్రథమ ట్రస్ట్ చైర్మన్ ప్రమాణ స్వీకార మహోత్సవం
1 min read
ముఖ్య అతిథులుగా పాల్గొన్న ఆలూరు నియోజకవర్గ ఇన్చార్జి వైకుంఠం జ్యోతి,
మాజీ ఇన్చార్జి వైకుంఠం శివ ప్రసాద్
ఆదోని ఎమ్మెల్యే పార్థసారథి, జనసేన ఇన్చార్జి వెంకప్ప హాజరు
ఆలూరు న్యూస్ నేడు: ఘనంగా శ్రీ శ్రీ శ్రీ గద్దెరాళ్ల మారెమ్మ అవ్వ దేవస్థానం ప్రథమ ట్రస్ట్ చైర్మన్ ప్రమాణ స్వీకార మహోత్సవంశ్రీ శ్రీ శ్రీ గద్దెరాళ్ల మారెమ్మ అవ్వ దేవస్థానంలో ప్రథమ ట్రస్ట్ చైర్మన్ ప్రమాణ స్వీకార మహోత్సవం భక్తిశ్రద్ధల మధ్య అత్యంత వైభవంగా, ఘనంగా నిర్వహించబడింది.ఈ కార్యక్రమానికి ముఖ్య అతిథులుగా ఆలూరు నియోజకవర్గ తెలుగుదేశం పార్టీ ఇన్చార్జి వైకుంఠం జ్యోతి , మాజీ ఇన్చార్జి వైకుంఠం శివ ప్రసాద్ హాజరై ట్రస్ట్ చైర్మన్కు శుభాకాంక్షలు తెలియజేశారు. దేవస్థానం అభివృద్ధికి తమ వంతు సహకారం అందిస్తామని వారు పేర్కొన్నారు.అలాగే కార్యక్రమంలో ఆదోని ఎమ్మెల్యే పార్థసారథి , ఆలూరు జనసేన పార్టీ ఇన్చార్జి వెంకప్ప పాల్గొని నూతన ట్రస్ట్ చైర్మన్కు అభినందనలు తెలిపారు. దేవస్థానం మరింత అభివృద్ధి చెందుతూ భక్తులకు మెరుగైన సేవలు అందించాలని ఆకాంక్షించారు.భక్తుల సమక్షంలో నిర్వహించిన ఈ ప్రమాణ స్వీకార మహోత్సవం ఆధ్యాత్మిక వాతావరణంలో విజయవంతంగా జరిగింది. ఈ సందర్భంగా ఆలూరు నియోజకవర్గం టీడీపీ, బీజేపీ, జనసేన పార్టీల నాయకులు, కార్యకర్తలు, గ్రామ పెద్దలు, భక్తులు భారీ సంఖ్యలో పాల్గొని కార్యక్రమాన్ని విజయవంతం చేశారు.నూతన ట్రస్ట్ చైర్మన్ నాయకత్వంలో దేవస్థానం మరింత అభివృద్ధి చెందాలని, భక్తులకు సౌకర్యాలు విస్తరించాలని పలువురు ఆకాంక్షించారు. కార్యక్రమం అనంతరం ప్రత్యేక పూజలు నిర్వహించి భక్తులకు ప్రసాదాలు పంపిణీ చేశారు.
About Author
