జాతీయ అనస్థీషియా & ఆపరేషన్ థియేటర్ టెక్నాలజిస్టుల దినోత్సవం
1 min read
(20 జూలై 2026) సందర్భంగా వేడుకలు – మెడికవర్ హాస్పిటల్స్, కర్నూలు
కర్నూలు, న్యూస్ నేడు: ప్రతి సంవత్సరం జూలై 20న నిర్వహించే జాతీయ అనస్థీషియా మరియు ఆపరేషన్ థియేటర్ టెక్నాలజిస్టుల దినోత్సవం (National Anaesthesia and Operation Theatre Technologists’ Day) సందర్భంగా మెడికవర్ హాస్పిటల్స్, కర్నూలులో ప్రత్యేక కార్యక్రమాన్ని నిర్వహించారు. శస్త్రచికిత్సల విజయవంతమైన నిర్వహణలో కీలక పాత్ర పోషిస్తున్న అనస్థీషియా టెక్నీషియన్లు మరియు ఆపరేషన్ థియేటర్ టెక్నీషియన్ల సేవలను గుర్తిస్తూ కేక్ కటింగ్ కార్యక్రమాన్ని నిర్వహించి వారిని అభినందించారు.ఈ కార్యక్రమంలో ఆసుపత్రి వైద్యులు, అనస్థీషియా విభాగం, ఓటీ టెక్నీషియన్లు మరియు ఇతర సిబ్బంది ఉత్సాహంగా పాల్గొన్నారు. శస్త్రచికిత్స విజయవంతం కావడంలో సర్జన్తో పాటు అనస్థీషియా బృందం, ఓటీ టెక్నీషియన్ల పాత్ర అత్యంత కీలకమని వైద్యులు పేర్కొన్నారు. ప్రతి శస్త్రచికిత్సలో రోగి భద్రతను నిర్ధారిస్తూ, ఆధునిక వైద్య పరికరాలను సమర్థవంతంగా నిర్వహిస్తూ వైద్య బృందానికి వీరు అందించే సహకారం అమూల్యమని కొనియాడారు.ఈ సందర్భంగా డా. బాల ప్రవీణ్ కుమార్, హెడ్ ఆఫ్ అనస్థీషియా డిపార్ట్మెంట్ & సీనియర్ కన్సల్టెంట్ అనస్థీషియాలజిస్ట్ మాట్లాడుతూ, “శస్త్రచికిత్స అనేది కేవలం సర్జన్ ఒక్కరి కృషి కాదు. అనస్థీషియా వైద్యులు, టెక్నీషియన్లు, ఓటీ సిబ్బంది సమన్వయంతో పనిచేసినప్పుడే ప్రతి ఆపరేషన్ విజయవంతమవుతుంది. రోగి శస్త్రచికిత్సకు ముందు నుంచి కోలుకునే వరకు ప్రతి దశలో అనస్థీషియా బృందం అప్రమత్తంగా పనిచేస్తుంది. వారి నిబద్ధత, నైపుణ్యం ఆరోగ్య సేవల్లో ఎంతో విలువైనవి” అని తెలిపారు. ఈ కార్యక్రమంలో డా. ఎన్. చైతన్య కుమార్ (సీనియర్ ఇంటర్వెన్షనల్ కార్డియాలజిస్ట్), డా. బి.ఎస్. ప్రవీణ్ కుమార్ (సీనియర్ ఇంటర్వెన్షనల్ కార్డియాలజిస్ట్), డా. ఎం. నాగ సురేష్ (సీనియర్ న్యూరో ఫిజీషియన్), డా. శివ పనీంద్ర (అనస్థీషియాలజిస్ట్), డా. విశ్వ కుమార్ కె.ఎస్. (సీనియర్ న్యూరోసర్జన్) పాల్గొని అనస్థీషియా మరియు ఓటీ టెక్నీషియన్ల సేవలను అభినందించారు. ప్రతి విజయవంతమైన శస్త్రచికిత్స వెనుక వారి కృషి, సమయస్ఫూర్తి మరియు అంకితభావం ఎంతో గొప్పదని కొనియాడారు.
About Author
