సులువాయి గ్రామంలో వాటర్ ట్యాంక్ శుభ్రపరిచే కార్యక్రమం
1 min read
గ్రామ ప్రజలకు స్వచ్ఛమైన, సురక్షితమైన తాగునీరు అందించడమే లక్ష్యం
హొళగుంద న్యూస్ నేడు: కర్నూలు జిల్లా హొళగుంద మండలం సులువాయి గ్రామంలో ప్రజల ఆరోగ్య పరిరక్షణను దృష్టిలో ఉంచుకొని గ్రామంలోని వాటర్ ట్యాంక్‌ను పంచాయతీ కార్యదర్శి రామాంజనేయులు ఆధ్వర్యంలో ప్రత్యేకంగా శుభ్రపరిచే కార్యక్రమాన్ని గురువారం నిర్వహించారు.గ్రామ ప్రజలకు స్వచ్ఛమైన, సురక్షితమైన తాగునీరు అందించాలనే ఉద్దేశంతో వాటర్ ట్యాంక్‌లో పేరుకుపోయిన మలినాలు, చెత్తను పూర్తిగా తొలగించి పరిశుభ్రత చర్యలు చేపట్టారు. అనంతరం ట్యాంక్‌ను శానిటైజేషన్ చేసి, తాగునీటి నాణ్యతను కాపాడేందుకు అవసరమైన చర్యలు తీసుకున్నారు.ప్రజల ఆరోగ్యానికి స్వచ్ఛమైన తాగునీరు ఎంతో అవసరమని భావించి, నీటి ద్వారా వ్యాపించే వ్యాధులను నివారించేందుకు ముందస్తు జాగ్రత్తల్లో భాగంగా ఈ కార్యక్రమాన్ని చేపట్టారు. ఈ కార్యక్రమంలో పంచాయతీ సిబ్బంది, వాటర్ సప్లై సిబ్బంది పాల్గొని ట్యాంక్ శుభ్రపరిచే పనులను విజయవంతంగా పూర్తి చేశారు.గ్రామంలో తాగునీటి సమస్యలు తలెత్తకుండా, ప్రజలకు నాణ్యమైన నీరు అందించే లక్ష్యంతో ఇలాంటి పరిశుభ్రత కార్యక్రమాలను తరచూ నిర్వహిస్తామని పంచాయతీ అధికారులు తెలిపారు. గ్రామ ప్రజలు కూడా తమ పరిసరాలను పరిశుభ్రంగా ఉంచుకోవడంతో పాటు, తాగునీటి వనరుల పరిశుభ్రతకు ప్రాధాన్యతనిస్తూ పంచాయతీ సిబ్బందికి సహకరించాలని కోరారు.
About Author
