‘హిందూ’ మనోభావాలు గౌరవించాల్సిందే..
1 min read
పల్లెవెలుగు వెబ్, కర్నూలు: దేశంలో ప్రబలుతున్న కులాల,మతాల,వర్గాల, ప్రాంతాల విబేధాలను రూపుమాపి జాతిలో ఐక్యతను,సంఘటనా శక్తిని పెంపొందించే ఉద్దేశ్యంతో ప్రముఖ స్వాతంత్ర్య సమరయోధుడు బాలగంగాధర్ తిలక్ గణేష్ మహోత్సవాలను ప్రారంభించారని, కానీ ఏపీ ప్రభుత్వం కరోన బూచి చూపి.. హిందూ మనోభావాలు దెబ్బతీసేలా నిర్ణయం తీసుకోవడం ఎంత వరకు సమంజసమని ప్రశ్నించారు విశ్వహిందూ పరిషత్ నగర కార్యాధ్యక్షులు గోరంట్ల రమణ. హిందూ మనోభావాలను గౌరవిస్తూ.. వెంటనే గణేష్ మహోత్సవాలను కోవిడ్ నిబంధనలతో కర్నూలు నగరంలో నిర్వహించుకునేలా అనుమతి ఇవ్వాలని డిమాండ్ చేశారు. ఈ మేరకు సోమవారం కలెక్టర్ పి. కోటేశ్వరరావుకు వినతిపత్రం అందజేశారు. అదేవిధంగా కర్నూలు, కర్నూలు అర్బన్, కల్లూరు తహసీల్దార్లకు వినతిపత్రం అందజేశారు. కార్యక్రమంలో ,కార్యదర్శి మాళిగి భానుప్రకాష్,రాష్ట్ర బజరంగ్దళ్ కన్వీనర్ ప్రతాప్ రెడ్డి,రాష్ట్ర ధర్మప్రసార్ కన్వీనర్ ఏ.వీ.ప్రసాద్,జిల్లా సంపర్క కన్వీనర్ గోవిందరాజులు, సహకార్యదర్శి శివప్రసాద్, బజరంగ్దళ్ విద్యార్థి కన్వీనర్ సాంబశివారెడ్డి,శేఖర్,మధు,తదితరులు పాల్గొన్నారు.
About Author
