జిల్లాస్థాయి బాల్‌బ్యాడ్మింటన్‌ పోటీలు ప్రారంభం

పల్లెవెలుగు వెబ్ ఆత్మకూరు: సంక్రాంతి పండుగ సందర్భంగా కరివేనా లోని డిపాల్ స్కూల్లో ఇండోర్‌ స్టేడియంలో బ్యాడ్మింటన్‌ (షటిల్‌) టోర్నమెంట్‌ నిర్వహించారు. ఈ కార్యక్రమానికి ముఖ్యఅతిథిగా డిపౌల్ స్కూల్ వైస్ ప్రిన్సిపాల్ ఫాదర్ వినీత్ రిబ్బన్ కట్ చేసి ప్రారంభించారు. రెండు రోజులపాటు జిల్లాస్థాయి బ్యాడ్మింటన్‌ పోటీలు జరుగుతాయని నిర్వాహకులు తెలిపారు. జిల్లా వ్యాప్తంగా మొత్తం 20 టీంలు పాల్గొంటున్నాయని మొదటి బహుమతిగా రూ,, 10,116/- రెండో బహుమతిగా రూ 5,116/- ఇవ్వనున్నట్లు తెలిపారు. అలాగే మూడో బహుమతిని పాములపాడు ఎస్సై అశోక్ ఇవ్వనున్నట్లు తెలిపారు. ఆద్యంతం హోరాహోరీగా సాగిన పోటీలు క్రీడాభిమానులను ఎంతగానో అలరించాయి. ఈ కార్యక్రమంలో ఫాదర్ ఆనంద్ తోపాటు ఫాదర్ సంథొ, బ్రదర్ ప్రణయ్, సిస్టర్ అల్ఫీ, మరియు టీచర్స్ అహమ్మద్ హుస్సేన్, వెంకటేష్, రంగా, సుమలత, పాల్గొన్నారు.

About Author

PALLEVELUGU

See author's posts