నేడే నందికొట్కూరు మార్కెట్ కమిటీ చైర్మన్ ప్రమాణ స్వీకారం
1 min read
– చైర్మన్ షేక్ రాహాత్, వైస్ చైర్మన్ మొల్ల షరీఫ్ బాష
– ముఖ్య అతిథిగా హాజరుకానున్న బైరెడ్డి సిద్దార్థ రెడ్డి
పల్లెవెలుగు వెబ్ నందికొట్కూరు: రాష్ట్ర ముఖ్యమంత్రి వైయస్ జగన్ మోహన్ రెడ్డి ఆశీసులతో శాప్ చైర్మన్ బైరెడ్డి సిద్ధార్థ రెడ్డి నాయకత్వంలో నేడు నందికొట్కూరు నూతన మార్కెట్ యార్డు చైర్ పర్సన్ గా షేక్ రాహత్ , వైస్ చైర్మన్ గా మొల్ల షరీఫ్ బాష అలాగే మార్కెట్ యార్డు డైరెక్టర్ ల ప్రమాణస్వీకారోత్సవ కార్యక్రమం గురువారం పట్టణంలోని చామండి పంక్షన్ హాల్ నందు అంగరంగ వైభవంగా నిర్వహించేందుకు ఏర్పాట్లు పూర్తి చేశారు. ప్రమాణ స్వీకారం కార్యక్రమానికి ముఖ్య అతిథులుగా నందికొట్కూరు నియోజకవర్గ సమన్వయకర్త, రాష్ట్ర యువజన విభాగం అధ్యక్షులు, శాప్ చైర్మన్ బైరెడ్డి సిద్ధార్థ రెడ్డి, నంద్యాల ఎంపీ పోచా బ్రహ్మానంద రెడ్డి, కర్నూలు ఎమ్మెల్యే హాఫిజ్ ఖాన్ , ఎమ్మెల్సీ ఇసాక్ భాష హాజరుకానున్నారు. మార్కెట్ కమిటీ సభ్యులు గురువారం ఉదయం 11: 00 గం”లకు ప్రమాణ స్వీకారం చేయనున్నారు. ఈ కార్యక్రమానికి నందికొట్కూరు నియోజకవర్గ వైసిపి ముఖ్య నాయకులు, మున్సిపల్ చైర్మన్, వైస్ చైర్మన్ లు, జడ్పీటీసీ లు, ఎంపీటీసీ లు, ఎంపీపీ లు, వైస్ ఎంపీపీ లు, సర్పంచ్ లు, ఉప సర్పంచ్ లు, కో ఆప్షన్ సభ్యులు, కౌన్సిలర్ లు, వార్డు ఇంచార్జ్ లు, పట్టణ మరియు నియోజకవర్గ నాయకులు, బైరెడ్డి సిద్ధార్థ రెడ్డి గారి అభిమానులు, కార్యకర్తలు భారీ ఎత్తున హాజరై కార్యక్రమాన్ని విజయవంతం చేయాలని వైసీపీ నాయకులు షేక్ జబ్బార్ , మార్కెట్ కమిటీ వైస్ చైర్మన్ మొల్ల షరీఫ్ భాష పిలుపునిచ్చారు.
About Author
