జ్యోతి రాజు ఫౌండేషన్ ఆధ్వర్యంలో పలుసేవా కార్యక్రమాలు..
1 min read
పరోపకారమే ప్రభువు చూపిన మార్గం..చైర్మన్ జ్యోతి రాజు
సేవా ,శాంతి, సమాధానం ప్రతి ఒక్కరు అలవర్చుకోవాలి
పల్లెవెలుగు వెబ్ ఏలూరు : ఏలూరులో స్థానిక శాంతినగర్ 7 రోడ్లో ఉన్న మన్నా చర్చ్ ఆవరణంలో శనివారం క్రిస్మస్ సందర్భంగా ఏలూరు నగర పరిసర ప్రాంతాల్లో ఉన్న యాచకులు అందరినీ ఒకే చోట చేర్చి వారికి క్షవరం, స్నానం చేయించిన ఫౌండేషన్ వ్యవస్థాపకులు జ్యోతి రాజు, వారి బృందం నూతన వస్త్రాలను, దుప్పట్లను బహుకరించారు. ఈ సందర్భంగా ఫౌండేషన్ చైర్మన్ మాట్లాడుతూ ముందుగా ప్రతి ఒక్కరికి క్రిస్మస్ నూతన సంవత్సర శుభాకాంక్షలు తెలిపారు. ప్రాంగణంలో క్రిస్మస్ సందర్భంగా ప్రతి ఏటా పలు సేవా కార్యక్రమాలు చేయడం జరుగుతుందని, ఈ క్రిస్మస్ పర్వదినాన్ని పురస్కరించుకొని ఏలూరు పరిసర ప్రాంతాల్లో ఉన్న సుమారు100 మంది యాచకులకు ఈ విధంగా ఈ సంవత్సరం సేవ చేయడం జరిగిందని, పరోపకారమే ప్రభువు చూపిన మార్గమని, సేవా, శాంతి, సమాధానం ప్రతి ఒక్కరూ అలవర్చుకోవాలన్నరు. రాబోయే రోజుల్లో ఇంకా అనేక సేవా కార్యక్రమాలు చేయడం ప్రభు చిత్తనుసారం జరుగుతోందని తెలిపారు. ఈ కార్యక్రమంలో దైవజనులు, జ్యోతి రాజు ఫౌండేషన్ సిబ్బంది పాల్గొన్నారు. అనంతరం ఏర్పాటు చేసిన సహపంక్తి ప్రేమ విందులో జ్యోతిరాజు పాల్గొన్నారు.
About Author
