ఈనెల 29 ,30న లక్ష బిల్వర్చన.. కుంకుమార్చన
1 min read
పల్లెవెలుగు వెబ్ మహానంది : ఈనెల 29న లక్ష బిల్వర్చన 30 తేదీన లక్ష కుంకుమార్చన కార్యక్రమం మహానంది క్షేత్రంలో నిర్వహించనున్నట్లు ఆలయ ఈవో నల్లకాలువ శ్రీనివాస్ రెడ్డి శుక్రవారం మీడియా సమావేశంలో పేర్కొన్నారు. కార్తీక మాసం ముగింపు సందర్భంగా లక్ష బిల్వార్చన కుంకుమార్చన కార్యక్రమాన్ని దాత రామకృష్ణ విద్యాసంస్థల అధినేత రామకృష్ణారెడ్డి ఆర్థిక సహాయ సహకారాలతో నిర్వహిస్తున్నట్లు తెలిపారు. చివరి కార్తిక సోమవారం సందర్భంగా భక్తులు అధిక సంఖ్యలో వచ్చే అవకాశం ఉందని భక్తులకు ఎలాంటి అసౌకర్యం కలగకుండా ఉండేందుకు అన్ని చర్యలు తీసుకుంటున్నట్లు తెలిపారు. వృద్ధులు మరియు వికలాంగులకు ఇబ్బందులు కలగకుండా ఉండేందుకు గాను ప్రత్యేక ఏర్పాట్లు చేసినట్లు తెలిపారు. ఈ కార్యక్రమంలో ఆయన వెంట ఏ ఈ ఓ మధు వేద పండితులు రవిశంకర్ అవధాని, హనుమంతరాయ శర్మ ఆలయ ప్రధాన అర్చకులు అర్జున్ శర్మ, ఉప ప్రధానార్చకులు కొమ్మది శంకరయ్య, ప్రకాశం శర్మ , రాజా రత్తయ్య బాబు తదితరులు పాల్గొన్నారు.
About Author
