‘అధీరా’ అదిరాడు..
1 min read
సినిమా డెస్క్ : రెండేళ్ల క్రితం వచ్చిన ‘కేజీఎఫ్’ కన్నడ డబ్బింగ్‌ మూవీ సౌత్‌ మొత్తం బాక్సీఫీస్‌లను కొల్లగొట్టిన విషయం తెలిసిందే. అయితే ఇప్పుడు రానున్న ‘కేజీఎఫ్ 2’ చిత్రాన్ని డైరెక్టర్‌ ప్రశాంత్‌ నీల్‌ మరింత భారీ ఎత్తున నిర్మిస్తున్నాడు. మొదటి చిత్రంలో విలన్‌ని ఎంత బలవంతుడుగా చూపించారో అంతకు రెట్టింపు పవర్‌‌ఫుల్‌ విలన్‌గా సీక్వెల్‌లో కనిపించనున్నాడు. ‘కేజీఎఫ్’లో అలాంటి విలన్ ‘గరుడ’గా రామచంద్రరాజు మెప్పించాడు. ఈ సినిమాకి సీక్వెల్ గా వస్తోన్న ‘కేజీఎఫ్ ఛాప్టర్ 2’లో అంతకుమించిన విలన్ ఉండాలి. అతనే అధీర. బాలీవుడ్ స్టార్ సంజయ్ దత్ ఈ పాత్రని పోషిస్తున్నాడు. గత రెండేళ్లుగా తన బర్త్ డేస్ కి అధీర లుక్స్ ని రిలీజ్ చేసిన టీమ్, ఈ యేడాది కూడా బర్త్ డే సందర్భంగా మరో పోస్టర్ ని రిలీజ్ చేశారు. పేరుకు తగ్గట్టే చేతిలో పెద్ద తల్వార్ తో మోస్ట్ డేంజరస్ విలన్ గా డిఫరెంట్ లుక్ లో కనిపిస్తున్నాడు సంజయ్ దత్. ‘యుద్ధం అనేది పురోగతి కోసం ఉద్దేశించబడింది, రాబందులు కూడా నా మాటతో అంగీకరిస్తాయి’ అంటూ తన క్యారెక్టర్ పై మరింత హైప్ పెంచారు. యశ్, శ్రీనిధి శెట్టి జంటగా రూపొందుతున్న ఈ చిత్రాన్ని హోంబలే ఫిల్మ్స్ నిర్మిస్తోంది. ప్రకాష్ రాజ్, రావు రమేష్, రవీనా టాండన్ కీలకపాత్రలు పోషిస్తున్నారు. షూటింగ్ పూర్తయింది. డిసెంబర్ లో రిలీజ్ అయ్యే అవకాశాలు కనిపిస్తున్నాయి.
About Author
