NEWSNEDU

NEWSNEDU | Telugu Latest News | KURNOOL AP

రీ ఎంట్రీ ఇస్తున్న తొట్టెంపూడి..

1 min read

సినిమా డెస్క్​ : ఫస్ట్‌ ఇన్నింగ్‌లో ‘స్వయంవరం’ సినిమాతో హీరోగా ఎంట్రీ ఇచ్చి తనేంటో ప్రూవ్‌ చేసుకున్న హీరో వేణు తొట్టెంపూడి, చిరు నవ్వుతో, హనుమాన్ జంక్షన్, పెళ్లాం ఊరెళితే వంటి చిత్రాలతో కామిక్ టైమింగ్ ఉన్న హీరోగా మరింతగా గుర్తింపు తెచ్చుకున్నాడు కూడా. తర్వాత చింతకాయల రవి, దమ్ము చిత్రాల్లో కీలక పాత్రలు పోషించాడు. ఆ తర్వాత కొన్నాళ్లుగా సినిమాలకు దూరంగా వేణు ఇప్పుడు రవితేజ మూవీతో రీఎంట్రీకి రెడీ అయ్యాడు. రవితేజ నటిస్తున్న ‘రామారావు :ఆన్ డ్యూటీ’ చిత్రంలో ఇంపార్టెంట్ రోల్ పోషిస్తున్నట్టు ప్రకటించారు. తమ చిత్రంలోకి ఆహ్వానం పలుకుతూ ఆయనకు వెల్ కమ్ చెప్పారు మేకర్స్. ఇందులో వేణు పోలీసాఫీసర్ గా కనిపించనున్నాడనే టాక్ వినిపిస్తోంది. శరత్ మండవ దర్శకత్వంలో తెరకెక్కుతున్న ఈ చిత్రంలో రవితేజ గవర్నమెంట్ ఆఫీసర్‌‌గా నటిస్తున్నాడు. దివ్యాంశ కౌశిక్, రాజీషా విజయన్ హీరోయిన్స్, నాజర్, నరేష్, పవిత్ర లోకేష్, రాహుల్ రామకృష్ణ ఇతర ముఖ్యపాత్రలు పోషిస్తున్నారు. సుధాకర్ చెరుకూరి నిర్మిస్తున్నారు.

About Author