అలియా హైదరాబాద్‌ వచ్చేసింది..

సినిమా డెస్క్​ : ఎట్టి పరిస్థితిల్లోనూ అక్టోబర్‌‌లోనే రిలీజ్ అంటూ ఊరిస్తోంది ‘ఆర్ఆర్ఆర్’ టీమ్. ఎన్టీఆర్, రామ్ చరణ్ హీరోలుగా రాజమౌళి తెరకెక్కిస్తున్న ఈ భారీ మల్టీస్టారర్ మూవీ షూటింగ్ తిరిగి స్టార్ట్ అయింది. రెండు పాటలు మినహా టాక్ పార్ట్ షూటింగ్ పూర్తి చేశామని ఆమధ్య చెప్పారు. తాజాగా బ్యాలెన్స్ ఉన్న సాంగ్స్ షూటింగ్ జరుగుతోంది. దీనికోసం ముంబై నుండి హైదరాబాద్ చేరుకుని మూవీ సెట్ లో జాయిన్ అయింది ఆలియా భట్‌. రైజ్ అండ్ షైన్ అంటూ తన ఫొటోని సోషల్ మీడియాలో షేర్ చేసింది. అల్లూరి సీతారామరాజుగా రామ్ చరణ్, సీతగా ఆలియాభట్ నటిస్తున్న ఈ జంటపై ఓ లవ్ సాంగ్ తీస్తున్నారు. ఇక కొమురం భీమ్ పాత్ర పోషిస్తున్న ఎన్టీఆర్ కి జతగా బ్రిటీష్ నటి ఒలివియా మోరిస్ కనిపించనుంది. ఈసారి జక్కన్న టీమ్ స్పీడు చూస్తుంటే కచ్చితంగా అక్టోబర్‌‌లోనే ఈ సినిమా థియేటర్స్‌కి రానుందనే విషయం అర్థమవుతోంది.

About Author

NEWSNEDU

See author's posts