ఒక‌రిని కాపాడేందుకు వెళ్లి.. 40 మంది బావిలో పడ్డారు.. !
1 min read
ప‌ల్లెవెలుగు వెబ్ : మ‌ధ్యప్రదేశ్ లోని విదిశ జిల్లా గంజ్ బసోడ గ్రామంలో ఘోర‌ప్రమాదం జ‌రిగింది. ప్రమాద‌వ‌శాత్తు బావిలో ప‌డ్డ బాలుడిని కాపాడేందుకు వెళ్లి 40 మంది బావిలో పడ్డారు. వీరిలో న‌లుగురు మృతి చెంద‌గా.. 19 మందిని కాపాడారు. బాలుడు బావిలో ప‌డిన విష‌యం తెలియ‌గానే స్థానికులు కాపాడే ప్రయ‌త్నం చేశారు. మ‌రికొంద‌రు బావి గోడ ద‌గ్గర నిల‌బ‌డ్డారు. ఒక్కసారిగా బావి గోడ కూలిపోయింది. దీంతో అంద‌రూ బావిలోకి ప‌డిపోయారు. వీరిలో న‌లుగురు ప్రాణాలు కోల్పోయారు. 19 మందిని పోలీసులు ర‌క్షించారు. మిగిలిన వారి కోసం గాలింపు చ‌ర్యలు చేపట్టారు.
About Author
