బద్వేల్లో భారీమెజార్టీతో జగనన్న మాట నిలబెడదాం..! మేయర్ సురేష్బాబు
1 min read
పల్లెవెలుగువెబ్, కడప: కడప జిల్లా బద్వేల్ నియోజకవర్గ ఉప ఎన్నికల్లో వైసీపీ అభ్యర్థి డాక్టర్ సుధను భారీ మెజార్టీతో గెలిపించేందుకు ప్రతిఒక్కరూ సమష్ఠిగా కృషి చేసి జనగన్న మాట నిలబెట్టాలని కడప మేయర్, పార్లమెంటరీ అధ్యక్షులు సురేష్బాబు అన్నారు. ఈమేరకు మంగళవారం కలసపాడులోని మనోహర్రెడ్డి కళ్యాణమండపంలో మాజీ ఎమ్మెల్సీ గోవిందరెడ్డి ఆధ్వర్యంలో ఏర్పాటు చేసిన వైసీపీ మండల స్థాయి బూత్ కమిటీ సభ్యులు, పార్టీ కార్యకర్తల సమావేశంలో ఆయన మాట్లడారు. ఎన్నికల్లో నాయకులు, కార్యకర్తలు బూత్కమిటీ సభ్యులు పార్టీ విధివిధానాలకు అనుగుణంగా పనిచేయాలని కోరారు. సమావేశంలో కడప ఎంపీ అవివాష్రెడ్డి, కలసపాడు ఎన్నికల పరిశీలకులు, రాప్తాడు ఎమ్మెల్యే ప్రకాష్రెడ్డి, బద్వేల్ అభ్యర్థి డాక్టర్ సుదా, మండల నాయకులు గురివిరెడ్డి, సుదర్శన్, రామకృష్ణారెడ్డి తదితరులు పాల్గొన్నారు.
About Author
