ఈ వారం విడుద‌ల‌య్యే చిత్రాలు
1 min read
ప‌ల్లెవెలుగు వెబ్ : క‌రోన రెండో ద‌శ ఉదృతి త‌ర్వాత తెలుగు రాష్ట్రాల్లో థియేట‌ర్లు ఓపెన్ అయ్యాయి. ఓటీటీల నుంచి జ‌నం థియేట‌ర్ల వైపు వ‌డివ‌డిగా అడుగులేస్తున్నారు. నిర్మాత‌లు కూడ థియేట‌ర్లలోనే విడుద‌ల చేయ‌డానికి ఆస‌క్తి చూపుతున్నారు. ఈ వారం కూడ ప‌లు సినిమాలు తెలుగు ప్రేక్షకుల్ని అల‌రించ‌నున్నాయి.
- క‌న‌బ‌డుట‌లేదు
సునీల్ ప్రధాన పాత్రలో న‌టించిన చిత్రం ‘క‌న‌బ‌డుట లేదు’. స‌స్పెన్స్ థ్రిల్లర్ కు ప్రేమ‌క‌థ జోడించి ద‌ర్శకుడు బాల‌రాజు ఈ సినిమా తీర్చిదిద్దారు. సునీల్ డిటెక్టివ్ పాత్రలో నటించారు. ఈ సినిమా ఆగస్టు 19న ప్రేక్షకుల ముందుకు రానుంది. - రాజరాజచోర
శ్రీ విష్ణు, మేఘా ఆకాశ్, సున‌య‌న ప్రధాన పాత్రల్లో తెర‌కెక్కిన చిత్రం రాజరాజచోర. ఈ సినిమాకు హ‌సిత్ గోలి దర్శకత్వం వ‌హించారు. సాఫ్ట్ వేర్ ఇంజినీర్ గా చెప్పుకునే ఓ దొంగ క‌థ‌ను ఈ చిత్రంలో చూపించారు. ర‌విబాబు, త‌నికెళ్ల భ‌ర‌ణి కీల‌క‌పాత్రల్లో నటించారు. ఈ సినిమా ఆగస్టు 19న థియేట‌ర్లలో సంద‌డి చేయనుంది. - క్రేజీ అంకుల్స్
రాజార‌వీంద్ర, భ‌ర‌ణి, మ‌నో ప్రధాన పాత్రల్లో న‌టించిన చిత్రం క్రేజీ అంకుల్స్. విభిన క‌థాంశంతో ఈ సినిమా నిర్మించారు. యాంక‌ర్ శ్రీముఖి కీల‌క పాత్రలో నటించారు. ఈ సినిమా ఆగస్టు 19న విడుద‌ల కానుంది. - బ‌జార్ రౌడీ
బ‌ర్నింగ్ స్టార్ సంపూర్ణేష్ బాబు హీరోగా న‌టించిన చిత్రంబజార్ రౌడీ. ఈ సినిమాకు వ‌సంత నాగేశ్వ‌ర‌రావు దర్శకత్వం వ‌హించారు. కె.ఎస్.క్రియేష‌న్స్ సంస్థ నిర్మించింది. ఆగస్టు 20న ఈ సినిమా సంద‌డి చేయనుంది.
About Author
