తెలుగులోకి రీ ఎంట్రీ..
1 min read
సినిమా డెస్క్: చాలా రోజుల తర్వాత తాప్సీ తిరిగి తెలుగులో నటించనుంది. బాలీవుడ్‌లో బాగా బిజీ అయిపోయిన ఆమె ఓ డిఫరెంట్‌ కథతో ఇక్కడి ప్రేక్షకుల్ని అలరించడానికి సిద్ధమైంది. ‘మిషన్‌ ఇంపాజిబుల్‌’ టైటిల్‌తో తెరకెక్కనున్న మూవీలో కీలకపాత్ర పోషిస్తోంది. ‘ఏజెంట్‌ సాయి శ్రీనివాస ఆత్రేయ’ ఫేం స్వరూప్‌ ఆర్‌.ఎస్‌.జె. ఈ చిత్రాన్ని తెరకెక్కిస్తున్నారు. ఈ నేపథ్యంలో మంగళవారం సినిమా సెట్‌లో అడుగుపెట్టింది. ఈ విషయాన్ని తెలుపుతూ ఓ ఫొటోని సోషల్‌ మీడియాలో విడుదల చేసింది మూవీ టీమ్. తాప్సి ఇందులో ల్యాప్‌టాప్‌ని చూస్తూ కనిపించింది. ‘ఈ స్క్రిప్ట్‌ నన్నెంతో ఆకట్టుకుంది. కొంత కాలంగా ఓ కథ కోసం ఎదురుచూస్తున్నా. అలాంటి కథే ఇది. మ్యాట్నీ వంటి సంస్థ నిర్మిస్తోన్న చిత్రంలో ఓ భాగం కావడం సంతోషంగా ఉంది’ అని తెలిపిందామె. మ్యాట్నీ ఎంటర్‌టైన్‌మెంట్‌ పతాకంపై నిరంజన్‌ రెడ్డి, అన్వేష్‌ రెడ్డి నిర్మిస్తున్నారు.మార్క్ కె. రాబిన్‌ సంగీతం అందిస్తున్నారు.
About Author
