NEWSNEDU

NEWSNEDU | Telugu Latest News | KURNOOL AP

`ఫ్రీడ‌మ్` స‌న్ ఫ్ల‌వ‌ర్ ఆయిల్ ధ‌ర త‌గ్గింపు !

1 min read

ప‌ల్లెవెలుగువెబ్ : సన్‌ఫ్లవర్‌ ఆయిల్‌ సరఫరా మెరుగవడంతో ‘ఫ్రీడమ్‌’ రిఫైండ్‌ సన్‌ఫ్లవర్‌ ఆయిల్‌ ధరను జెమినీ ఎడిబల్స్‌ అండ్‌ ఫ్యాట్స్‌ ఇండియా తగ్గించింది. ‘ఫ్రీడమ్‌’ బ్రాండ్‌తో ఈ కంపెనీ వంట నూనెలను విక్రయిస్తోంది. ఒక లీటర్‌ పౌచ్‌ ధరను వరుసగా రెండు వారాల్లో రూ.35 తగ్గించి రూ.200కు పరిమితం చేశామని ఫ్రీడమ్‌ హెల్తీ కుకింగ్‌ ఆయిల్స్‌ సీనియర్‌ వైస్‌ ప్రెసిడెంట్‌ పీ చంద్రశేఖర్‌ రెడ్డి ఒక ప్రకటనలో తెలిపారు. ప్రధానంగా ఉక్రెయిన్‌ నుంచి భారత్‌ ముడి సన్‌ఫ్లవర్‌ ఆయిల్‌ను దిగుమతి చేసుకుంటోందని, రష్యా-ఉక్రెయిన్‌ యుద్ధం కారణంగా సరఫరాలో అంతరాయాలు ఏర్పడ్డాయని చెప్పారు. అయితే.. అర్జెంటీనా, రష్యా నుంచి దిగుమతులు చేసుకోవడం తో సరఫరా మెరుగుపడిందన్నారు. సరఫరా మెరుగవడంతో పాటు దిగుమతిపై పన్ను రేటును తగ్గించడం కూడా ధర తగ్గించడానికి కారణమన్నారు.

                                      

About Author