మహానాడు రెండో రోజు వేడుకల్లో టిడిపి శ్రేణుల సందడి
1 min read
డిజిటల్ మహానాడులో భారీగా పాల్గొన్న ఆలూరు నియోజకవర్గ నేతలు – పార్టీ బలోపేతానికి కృషి చేయాలని పిలుపు
హోలగుంద న్యూస్ నేడు : ఆలూరు నియోజకవర్గం హోలగుంద మండలం తెలుగుదేశం పార్టీ శ్రేణులు మహానాడు రెండో రోజు కార్యక్రమాల్లో ఉత్సాహంగా పాల్గొని పార్టీ పట్ల తమ అంకితభావాన్ని మరోసారి చాటుకున్నారు. తెలుగుదేశం పార్టీ జాతీయ అధ్యక్షులు చంద్రబాబు నాయుడు, యువనేత లోకేష్, ఆలూరు నియోజకవర్గ టిడిపి ఇంచార్జ్ శ్రీమతి వైకుంఠం జ్యోతి ఆదేశాల మేరకు టిడిపి మండల ప్రధాన కార్యదర్శి ఈబీజీ గోవింద్ గౌడ్ ఆధ్వర్యంలో పెద్ద ఎత్తున టిడిపి నాయకులు, కార్యకర్తలు మహానాడు కార్యక్రమాలకు హాజరయ్యారు.డిజిటల్ మహానాడు కార్యక్రమంలో భాగంగా ఎస్ఆర్ ఫంక్షన్ హాల్లోని గెస్ట్ హౌస్ క్లస్టర్-2లో నిర్వహించిన సమావేశంలో పార్టీ నాయకులు, కార్యకర్తలు పెద్ద సంఖ్యలో పాల్గొన్నారు. కార్యక్రమం ప్రారంభానికి ముందు తెలుగువారి ఆత్మగౌరవ ప్రతీక, టిడిపి వ్యవస్థాపకులు ఎన్టీ రామారావుకు ఘన నివాళులు అర్పించారు. అనంతరం డిజిటల్ మహానాడు సమావేశాలను వీక్షిస్తూ పార్టీ భవిష్యత్ కార్యాచరణపై చర్చించారు.ఈ సందర్భంగా టిడిపి యువనాయకుడు ఈబీజీ రాజేంద్ర గౌడ్ మాట్లాడుతూ, “పార్టీ బలోపేతానికి ప్రతి కార్యకర్త అంకితభావంతో పనిచేయాలి. గ్రామ స్థాయి నుంచి పార్టీని మరింత బలంగా తీర్చిదిద్దేందుకు అందరూ సమన్వయంతో ముందుకు సాగాలి” అని పిలుపునిచ్చారు. మహానాడు కార్యక్రమాలు కార్యకర్తల్లో కొత్త ఉత్సాహాన్ని నింపుతున్నాయని, నాయకులు–కార్యకర్తల ఐక్యతతో తెలుగుదేశం పార్టీ మరింత శక్తివంతంగా ముందుకు సాగుతుందని పేర్కొన్నారు.మహానాడు వేడుకల సందర్భంగా టిడిపి శ్రేణులు భారీగా పాల్గొని పార్టీ జెండాలు ఊపుతూ నినాదాలతో ప్రాంగణాన్ని కిక్కిరిసేలా చేశారు. పార్టీ పట్ల తమ విశ్వాసాన్ని, నాయకత్వంపై అభిమానాన్ని కార్యకర్తలు ఘనంగా ప్రదర్శించారు. రాష్ట్ర అభివృద్ధి, ప్రజా సంక్షేమమే లక్ష్యంగా తెలుగుదేశం పార్టీ నిరంతరం ప్రజల మధ్య పనిచేస్తోందని నాయకులు పేర్కొన్నారు.ఈ కార్యక్రమంలో టిడిపి నాయకులు, యువనేతలు, కార్యకర్తలు, అభిమానులు పెద్ద సంఖ్యలో పాల్గొన్నారు.
About Author
