మదర్సా మహమ్మదీయ సల్ఫియా పాఠశాలలో మధ్యాహ్న భోజన పథకం పరిశీలన
1 min read
నాణ్యతతో కూడిన భోజనం అందించాలి: మండల విద్యాధికారి–2 పి. కబీర్ సాబ్
హోళగుంద న్యూస్ నేడు: హోళగుంద మండలంలోని మదర్సా మహమ్మదీయ సల్ఫియా పాఠశాలను శనివారం మండల విద్యాధికారి–2 పి. కబీర్ సాబ్ సందర్శించారు. ఈ సందర్భంగా పాఠశాలలో అమలవుతున్న డొక్కా సీతమ్మ మధ్యాహ్న భోజన పథకం నిర్వహణ తీరును పరిశీలించారు.విద్యార్థులకు అందిస్తున్న మధ్యాహ్న భోజనాన్ని స్వయంగా పరిశీలించిన మండల విద్యాధికారి–2 పి. కబీర్ సాబ్, భోజనం నాణ్యత, రుచి, పరిశుభ్రత తదితర అంశాలను పరిశీలించారు. విద్యార్థులకు ప్రతిరోజూ నాణ్యమైన, ఆరోగ్యకరమైన భోజనం అందేలా అవసరమైన చర్యలు తీసుకోవాలని సూచించారు.ప్రభుత్వం నిర్దేశించిన మెనూ ప్రకారం విద్యార్థులకు భోజనం అందించాలని వంట ఏజెన్సీ నిర్వాహకులకు సూచించారు. భోజనం తయారీ సమయంలో పరిశుభ్రతకు అత్యంత ప్రాధాన్యత ఇవ్వాలని, వంటగది పరిసరాలను శుభ్రంగా ఉంచడంతో పాటు విద్యార్థులకు అందించే ఆహారంలో నాణ్యత లోపించకుండా జాగ్రత్తలు తీసుకోవాలని తెలిపారు.అలాగే పాఠశాల మదర్, అధ్యాపక సిబ్బంది మధ్యాహ్న భోజన పథకం అమలును నిరంతరం పర్యవేక్షించాలని పి. కబీర్ సాబ్ సూచించారు. విద్యార్థులకు అందుతున్న భోజనం నాణ్యతపై ప్రత్యేక శ్రద్ధ వహించాలని, భోజన సమయంలో విద్యార్థుల అవసరాలను గమనిస్తూ సమస్యలు తలెత్తకుండా చర్యలు తీసుకోవాలని పేర్కొన్నారు.విద్యార్థుల ఆరోగ్యం, సంక్షేమాన్ని దృష్టిలో ఉంచుకుని డొక్కా సీతమ్మ మధ్యాహ్న భోజన పథకాన్ని సమర్థవంతంగా అమలు చేయాలని మండల విద్యాధికారి–2 పి. కబీర్ సాబ్ సూచించారు. పాఠశాలలో విద్యార్థులకు పరిశుభ్రమైన వాతావరణంతో పాటు నాణ్యమైన భోజనం అందించడం అందరి బాధ్యత అని ఆయన పేర్కొన్నారు.
About Author
