అర్నాబ్ తుఫాన్ నేపథ్యంలో విద్యుత్ శాఖ అప్రమత్తం
1 min read
ఏలూరు సర్కిల్ కార్యాలయంతో పాటు ఏలూరు, జంగారెడ్డిగూడెం డివిజన్ కార్యాలయాల్లో 24 గంటల కంట్రోల్ రూమ్‌లు ఏర్పాటు
ఏలూరు ఆపరేషన్ సర్కిల్ పర్యవేక్షక ఇంజనీర్ కె.ఎం. అంబేద్కర్
ఏలూరుజిల్లా ప్రతినిధి,న్యూస్ నేడు: బంగాళాఖాతంలో ఏర్పడిన అర్నాబ్ తుఫాన్ నేపథ్యంలో ఏలూరు జిల్లాలో విద్యుత్ సరఫరాకు అంతరాయం కలగకుండా, తుఫాన్ ప్రభావంతో తలెత్తే ఎటువంటి విపత్కర పరిస్థితులనైనా సమర్థవంతంగా ఎదుర్కొనేందుకు ఏపీఈపీడీసీఎల్ (APEPDCL) విద్యుత్ శాఖ అధికారులను, సిబ్బందిని అప్రమత్తం చేసినట్లు ఏలూరు ఆపరేషన్ సర్కిల్ పర్యవేక్షక ఇంజనీర్ కె.ఎం. అంబేద్కర్ తెలిపారు. జిల్లా కలెక్టర్ మరియు ఏపీఈపీడీసీఎల్ చైర్మన్ అండ్ మేనేజింగ్ డైరెక్టర్ ఆదేశాల మేరకు తుఫాన్ పరిస్థితులను ఎప్పటికప్పుడు పర్యవేక్షించడంతో పాటు, విద్యుత్ సరఫరాకు సంబంధించిన సమస్యలను తక్షణమే పరిష్కరించేందుకు అవసరమైన అన్ని ముందస్తు చర్యలు చేపట్టినట్లు ఆయన వెల్లడించారు. అత్యవసర పరిస్థితుల్లో ప్రజలకు సత్వర సేవలు అందించేందుకు విద్యుత్ శాఖ అధికారులు, సిబ్బంది సంసిద్ధంగా ఉన్నారని పేర్కొన్నారు.
మూడు కార్యాలయాల్లో 24 గంటల కంట్రోల్ రూమ్‌లు
తుఫాన్ ప్రభావిత పరిస్థితులను నిరంతరం పర్యవేక్షించేందుకు, విద్యుత్ అంతరాయాలపై ప్రజల నుంచి ఫిర్యాదులు స్వీకరించేందుకు ఏలూరు సర్కిల్ కార్యాలయంతో పాటు ఏలూరు, జంగారెడ్డిగూడెం డివిజన్ కార్యాలయాల్లో 24 గంటల పాటు మూడు షిఫ్టుల్లో పనిచేసే విధంగా కంట్రోల్ రూమ్‌లను ఏర్పాటు చేసినట్లు పర్యవేక్షక ఇంజనీర్ తెలిపారు.
కంట్రోల్ రూమ్‌ల సంప్రదింపు వివరాలు:
1. ఏలూరు సర్కిల్ కార్యాలయం, విద్యుత్ భవన్, ఆర్.ఆర్.పేట, ఏలూరు: 94409029262. ఏలూరు డివిజన్ కార్యాలయం: 94409040373. జంగారెడ్డిగూడెం డివిజన్ కార్యాలయం: 9491030712 అదేవిధంగా, విద్యుత్ సంబంధిత ఫిర్యాదులను టోల్ ఫ్రీ నంబర్ 1912 ద్వారా కూడా నమోదు చేయవచ్చని ఆయన సూచించారు.
విద్యుత్ భద్రతపై ప్రజలు అప్రమత్తంగా ఉండాలి
తుఫాన్, భారీ వర్షాలు, ఈదురుగాలుల సమయంలో విద్యుత్ ప్రమాదాలు సంభవించే అవకాశం ఉన్నందున ప్రజలు అప్రమత్తంగా ఉండాలని కె.ఎం. అంబేద్కర్ విజ్ఞప్తి చేశారు. వర్షాల కారణంగా తెగిపడిన విద్యుత్ తీగలను, నేలకొరిగిన విద్యుత్ స్తంభాలను, వంగిపోయిన లేదా దెబ్బతిన్న విద్యుత్ స్తంభాలను, విద్యుత్ తీగలపై పడిన చెట్ల కొమ్మలను ప్రజలు ఎట్టి పరిస్థితుల్లోనూ నేరుగా తాకరాదని హెచ్చరించారు. తెగిపడిన విద్యుత్ తీగలకు దూరంగా ఉండాలని, వాటి సమీపంలోకి ఇతరులు వెళ్లకుండా జాగ్రత్తలు తీసుకోవాలని సూచించారు. ఇలాంటి పరిస్థితులు ఎదురైనప్పుడు వెంటనే విద్యుత్ శాఖ అధికారులకు సమాచారం అందించాలని కోరారు. అలాగే, వర్షాల సమయంలో విద్యుత్ స్తంభాలు, స్టే వైర్లు, ట్రాన్స్‌ఫార్మర్లు, విద్యుత్ పరికరాలను తాకరాదని, తడి చేతులతో విద్యుత్ స్విచ్‌లు, పరికరాలను ఉపయోగించరాదని సూచించారు. విద్యుత్ ప్రమాదాల పట్ల నిర్లక్ష్యం ప్రాణాపాయానికి దారితీస్తుందని, అందువల్ల వ్యక్తిగత భద్రతకు అత్యంత ప్రాధాన్యత ఇవ్వాలని స్పష్టం చేశారు.
విద్యుత్ అంతరాయాలపై వెంటనే ఫిర్యాదు చేయండి
భారీ వర్షాలు, ఈదురుగాలులు లేదా వరదల కారణంగా విద్యుత్ సరఫరాలో అంతరాయం ఏర్పడినా, విద్యుత్ తీగలు తెగిపడినా, విద్యుత్ స్తంభాలు దెబ్బతిన్నా లేదా ఇతర విద్యుత్ సంబంధిత సమస్యలు తలెత్తినా ప్రజలు తమ సమీపంలోని విద్యుత్ సెక్షన్ కార్యాలయాన్ని లేదా కింది నంబర్లను సంప్రదించి ఫిర్యాదు నమోదు చేయాలని పర్యవేక్షక ఇంజనీర్ కోరారు.
ఏలూరు సర్కిల్ కంట్రోల్ రూమ్ : 9440902926
ఏలూరు డివిజన్ కంట్రోల్ రూమ్ : 9440904037
జంగారెడ్డిగూడెం డివిజన్ కంట్రోల్ రూమ్: 9491030712
విద్యుత్ శాఖ టోల్ ఫ్రీ నంబర్ : 1912
ప్రజల నుంచి అందే ఫిర్యాదులపై సంబంధిత అధికారులు తక్షణమే స్పందించి, క్షేత్రస్థాయి సిబ్బందితో సమన్వయం చేసుకుంటూ సమస్యల పరిష్కారానికి చర్యలు తీసుకుంటారని ఆయన తెలిపారు. తుఫాన్ ప్రభావం తగ్గే వరకు అధికారులు, సిబ్బంది అప్రమత్తంగా ఉండాలని, ప్రజలకు సురక్షితమైన, నిరంతర విద్యుత్ సేవలు అందించేందుకు సమన్వయంతో పనిచేయాలని ఆదేశించినట్లు వెల్లడించారు. ప్రజల ప్రాణ భద్రతే విద్యుత్ శాఖకు అత్యంత ప్రాధాన్యం. విద్యుత్ ప్రమాదాల పట్ల అప్రమత్తతో ఉండి, సురక్షితంగా ఉండాలని అంబేద్కర్ ప్రజలకు విజ్ఞప్తి చేశారు.
About Author
