హర్యానాలో రెజ్లర్ నిషా దహియాపై కాల్పులు
1 min read
పల్లెవెలుగు వెబ్: హర్యానాలో దారుణ ఘటన చోటుచేసుకుంది. రెజ్లర్ నిషా దహియా, ఆమె సోదరుడిపై…. దుండగులు విచేక్షణా రహితంగా కాల్పులు జరిపారు. ఈ ఘటనలో వారు అక్కడికక్కడే మృతి చెందారు. సోనెపట్‌లోని సుశీల్ కుమార్ రెజ్లింగ్ అకాడమీలో ఈ దారుణ ఘటన జరిగింది. నిషా దహియా తల్లి ధన్‌పాటి పరిస్థితి మాత్రం విషమంగా ఉన్నట్లు వైద్యులు తెలిపారు. ప్రస్తుతం ఆమె రోహ్‌తక్‌లోని పీజీఐ ఆసుపత్రిలో చికిత్స పొందుతోంది. మరోపక్క నిషా దహియా, ఆమె సోదరుడి మృతదేహాలను పోస్ట్‌మార్టం కోసం తరలించారు. ఈ ఘటనకు సంబంధించి కాల్పులు ఎవరు జరిపారన్న దానిపై విచారణ చేపట్టామని పోలీసులు తెలిపారు. కాగా, సెర్బియాలోని బెల్‌గ్రేడ్‌లో గతవారం జరిగిన అండర్ 23 ప్రపంచ ఛాంపియన్‌షిప్ పోటీల్లో 65 కేజీల విభాగంలో నిషా కాంస్య పతకం సాధించిన సంగతి తెలిసిందే.
About Author
