దాతలకు… అభినందన
1 min read
– మాజీ ఎమ్మెల్యే ఎంఏ గఫూర్
– రూ. 20వేలు విలువ చేసే బెడ్షీట్లు, వంట సరుకులు విరాళంగా అందజేసిన దాతలు
పల్లెవెలుగు వెబ్, కర్నూలు: కరోన విపత్కర కాలంలో కోవిడ్ బాధితులను ఆదుకునేందుకు ముందుకు వస్తున్న దాతలు, స్వచ్ఛంద సంస్థలకు అభినందనలు తెలిపారు సీపీఎం మాజీ ఎమ్మెల్యే ఎంఏ గఫూర్. నగరంలోని కార్మిక, కర్షక భవనంలో సుందరయ్య స్పూర్తి కేంద్రలో కోవిడ్ బాధితుల కోసం ఐసోలేషన్ సెంటర్ కొనసాగిస్తున్నారు. కరోనా బాధితుల అవసరాల కోసం బెడ్ షీట్లు, కందిపప్పు, మంచి నూనె, ఉప్మా రవ్వ, బెల్లం, చక్కెర వంటి నిత్యావసర సరుకులు రూ 20,000/-ల విలువైన వాటిని ఆశ్రయ ట్రస్టు అవధూత నాగానంద్ , మానవ సేవా సంస్థ తరుపున హెచ్. డి ఈరన్న మాజీ ఎమ్మెల్యే ఎం. ఏ గఫూర్, సుందరయ్య స్పూర్తి కేంద్రం చైర్మన్ ప్రభాకర రెడ్డి కి అందజేశారు. అదేవిధంగా ముజఫర్ నగర్, ఇందిరాగాంధీ నగర్, ఉల్చాల గ్రామాలకు చెందిన నిరుద్యోగ యువకులుఅందరూ కలిసి రూ. 3,000/- సుందరయ్య స్పూర్తి కేంద్రం ఐసొలేషన్ సెంటర్ కు విరాళంగా ఇచ్చారు. ఈ సందర్భంగా మాజీ ఎమ్మెల్యే ఎంఏ గఫూర్ కోవిడ్ బాధితులను ఆదుకునేందుకు ఆశ్రయ ట్రస్టు అవధూత నాగానంద్, మానవ సేవా సంస్థ తరుపు హెచ్.డి. ఈరన్న ముందుకు రావడం గొప్ప విషయమన్నారు. కష్టకాలంలో ఉన్న ప్రజలను ఆదుకునేందుకు ప్రతిఒక్కరూ తమ వంతు సహాయం చేయాలని ఈ సందర్భంగా సుందరయ్య స్పూర్తి కేంద్రం చైర్మన్ ప్రభాకర రెడ్డి పిలుపునిచ్చారు. ఈ కార్యక్రమంలో స్పూర్తి కేంద్రం కార్యదర్శి గౌస్ దేశాయ్, డైరెక్టర్ రాధాకృష్ణ, వ్యవసాయ కార్మిక సంఘం జిల్లా కార్యదర్శి కె. వి నారాయణ, కె వి పి ఎస్ జిల్లా కార్యదర్శి ఆనంద్ బాబు తదితరులు పాల్గొన్నారు.
About Author
