బుట్టా ఫౌండేషన్ ఆధ్వర్యంలో అన్నదానం
1 min read
ఫౌండేషన్ సభ్యుడు షేక్ కుద్దూస్ ను సన్మానించిన పాత్రికేయులు
కర్నూలు, పల్లెవెలుగు: మట్టి గణపతిని ప్రతిష్టించి… పూజించడం అభినందనీయమని బుట్టా ఫౌండేషన్ సభ్యులు, అడ్వకేట్ షేక్ కుద్దూస్ అన్నారు. శనివారం కలెక్టరేట్ ఆవరణలోని సమాచార శాఖ భవన్లో పాత్రికేయ వినాయక మిత్ర మండలి నేతృత్వంలో ప్రతిష్టించిన వినాయకుడిని ఆయన దర్శించుకున్నారు. ప్రత్యేక పూజలు చేశారు. అనంతరం సమాచార శాఖ భవన్ ఆవరణలో మొక్క నాటారు. ఈ సందర్భంగా షేక్ కుద్దూస్ మాట్లాడుతూ ఉమ్మడి కర్నూలు జిల్లాలో ఎన్నో సేవా కార్యక్రమాలు నిర్వహించిన బుట్టా ఫౌండేషన్ నేతృత్వంలో వినాయక విగ్రహం వద్ద అన్నదానం చేయడం ఎంతో సంతోషంగా ఉందన్నారు. అనంతరం పాత్రికేయ వినాయక మిత్రమండలి నిర్వాహకులు విద్యాసాగర్, శ్రీనాథ్ రెడ్డి మాట్లాడుతూ ప్రప్రథమంగా వినాయక విగ్రహాన్ని ప్రతిష్టించామని, ఇందుకు పాత్రికేయులు, దాతలు పూర్తిగా సహకరించినందుకు ప్రత్యేక కృతజ్ఞతలు తెలియజేశారు. ఆ తరువాత బుట్టా ఫౌండేషన్ సభ్యుడు, అడ్వకేట్ షేక్ కుద్దూస్ను పాత్రికేయులు ఘనంగా సన్మనించారు. కార్యక్రమంలో విశాలాంధ్ర బ్యూరో శ్రీనివాసులు గౌడ్, వార్తా స్టాఫర్ ప్రకాశ్, ఆంధ్ర జ్యోతి మల్లికార్జు, పల్లెవెలుగు రవికుమార్ మన దినపత్రిక స్టాఫర్ విజయ్, రామకృష్ణ తదితరులు పాల్గొన్నారు.
About Author
