అండగా ఉంటాం.. ఆదుకుంటాం..

సాంబశివారెడ్డి కుటుంబీకులకు హామీ ఇచ్చిన నగర ఎమ్మెల్యే
పల్లెవెలుగు వెబ్​, కర్నూలు; నగరంలోని ప్రకాశ్ నగర్​ వైస్సార్సీపీ నాయకుడు, కర్నూలు మార్కెట్ యార్డ్ డైరెక్టర్ గజ్జల సాంబశివా రెడ్డి ఆదివారం తెల్లవారు జామున గుండెపోటుతో మరణించారు. విషయం తెలుసుకున్న ఎమ్మెల్యే ఎంఏ హఫీజ్​ఖాన్​ సాంబశివారెడ్డి ఇంటి వద్దకు వెళ్లి భౌతిక ఖాయానికి పూలమాల వేసి నివాళులర్పించారు. పార్టీ ఆవిర్భావం నుంచి ఇప్పటి వరకు కీలకపాత్ర పోషించిన ఆత్మీయ మిత్రుడు సాంబశివారెడ్డి మృతి బాధాకరమన్నారు. సీఎం దృష్టికి తీసుకెళ్లి.. సాంబశివారెడ్డి కుటుంబీకులను ఆదుకుంటామని ఎమ్మెల్యే భరోసా ఇచ్చారు. కార్యక్రమంలో వైసీపీ నాయకులు, కార్యకర్తలు తదితరులు పాల్గొన్నారు.

About Author

NEWSNEDU

See author's posts