గంజాయి ముఠా అరెస్ట్
1 min read
– 120 కేజీల గంజాయి స్వాధీనం
– ఎస్పీ అన్బురాజన్
పల్లెవెలుగు వెబ్, కడప: జిల్లాలో గంజాయి స్మగ్లింగ్ చేసే ముఠాను అరెస్టు చేసినట్లు ఎస్పీ అన్బురాజన్ తెలిపారు. శుక్రవారం ఏర్పాటు చేసిన విలేకరుల సమావేశంలో ఎస్పీ మాట్లాడారు. చిన్నచౌక్ పోలీస్ స్టేషన్ పరిధిలో అక్రమ గంజాయి స్మగ్లింగ్ కు పాల్పడుతున్న 11 మంది అరెస్ట్ చేసి, వారి వద్ద నుంచి 120 కేజీల గంజాయి, ఒక టాటా బోల్ట్ కారు, రూ.7వేల నగదు, 5 సెల్ ఫోన్లు స్వాధీనం చేసుకున్నారు. విశాఖ జిల్లా చింతపల్లి మండలం నుంచి గంజాయి స్మగ్లింగ్ చేసి కడపలో విక్రయిస్తున్నట్లు విచారణలో తేలిందని ఎస్పీ అన్బురాజన్ వెల్లడించారు. సమావేశంలో డీఎస్పీ బి. సునీల్, చిన్న చౌక్ పోలీస్ స్టేషన్ సీఐ అశోక్ రెడ్డి, ఎస్ఐలు అమర్నాథ్ రెడ్డి, సత్యనారాయణ, సిబ్బంది ఉన్నారు.
About Author
