బద్వేల్లో వైసీపీ బూతుకన్వీనర్ల విస్తృత స్థాయి సమావేశం!
1 min read
పల్లెవెలుగువెబ్, కడప: బద్వేల్లో సోమవారం వైఎస్ఆర్సీ పార్టీ నియోజకవర్గ బూతు కన్వీనర్ల విస్తృత స్థాయి సమావేశం నిర్వహించింది. ఉప ఎన్నికల నేపథ్యంలో పట్టణంలోని పోరుమామిళ్ల రోడ్డులో కడప ఎంపీ అవినాష్రెడ్డి, మేయర్ సురేష్బాబు, ఇన్ఛార్జి గోవిందరెడ్డిల ఆధ్వర్యంలో జరిగిన బహిరంగ సమావేశం నిర్వహించారు. కార్యక్రమంలో వైసీపీ బద్వేల్ అభ్యర్థి డాక్టర్ సుధాతోపాటు ఉప ఎన్నికల ఇన్ఛార్జులు డిప్యూటీ సీఎం అంజాద్బాష, మంత్రి పెద్దిరెడ్డి రామచంద్రారెడ్డి, కడప జిల్లా ఇన్ఛార్జి మంత్రి ఆదిమూలపు సురేష్, ఎక్సైజ్శాఖ మంత్రి నారాయణ, ప్రభుత్వ సలహాదారుడు సజ్జల రామకృష్ణారెడ్డి, ఎమ్మెల్యేలు రవీంధ్రారెడ్డి(కమలాపురం), రఘురామిరెడ్డి(మైదుకూరు), ప్రసాద్రెడ్డి(పొద్దుటూరు), కోటంరెడ్డి శ్రీధర్రెడ్డి(నెల్లూరురూరల్), కాకానిగోవ్దన్రెడ్డి(సర్వేపల్లి), శ్రీనివాసులు(చిత్తూరు), ఎంపీ రెడ్డప్ప(చిత్తూరు) ఎమ్మెల్సీలు రామచంద్రయ్య, రమేస్యాదవ్ తదితర నేతలు పాల్గొన్నారు. కార్యక్రమంలో దివంగత ముఖ్యమంత్రి వైఎస్.రాజశేఖర్రెడ్డి, దివంగత బద్వేల్ శాసనసభ్యులు వెంకటసుబ్బయ్యల చిత్రపటాలకు పూలమాలలు వేసి నివాళులు అర్పించారు. అనంతరం ఉప ఎన్నికల్లో వ్యవహరించాల్సిన విధివిధానాలపై వైసీపీనేతలు బూతు కన్వీనర్ల సమావేశంలో మాట్లాడారు. వైసీపీ రికార్డుస్థాయి మెజార్టీ సాధించేలా ప్రతిఒక్కరూ కృషి చేయాలని పిలుపునిచ్చారు.
About Author
