జీజీహెచ్​ కు రెండవ గేట్​​ ఓపెన్​…

ట్రాఫిక్​ సమస్యకు చెక్​ పెట్టేందుకే..

• ఆస్పత్రిలో పార్కింగ్​ స్థలాలు గుర్తింపు..
• రోగికి ఐడీ కార్డు.. వ్యాధి వివరాలు నిక్షిప్తం..
• రోగులు.. ప్రజలు సహకరించాలి…
• జీజీహెచ్​ సూపరింటెండెంట్​ డా. వెంకటేశ్వర్లు

కర్నూలు (హాస్పిటల్​), న్యూస్​ నేడు :ప్రభుత్వ సర్వజన ఆస్పత్రికి  చికిత్స నిమిత్తం వచ్చే రోగులు.. ఎటువంటి ఇబ్బంది పడరాదన్న సదుద్దేశంతో   ఆస్పత్రి రెండవ గేట్​ ను ఓపెన్​ చేస్తున్నామని, దీంతో కొంత ట్రాఫిక్​ సమస్య పరిష్కారమయ్యే అవకాశం ఉందని జీజీహెచ్​ సూపరింటెడెంట్​ డా. వెంకటేశ్వర్లు స్పష్టం చేశారు. రోగులకు వేగంగా… మెరుగైన వైద్య సేవలు అందించాలన్న లక్ష్యంతో  సోమవారం నుంచి  ఆస్పత్రి రెండవ గేట్​ ( ఇన్​) ప్రారంభిస్తున్నట్లు ఆయన పేర్కొన్నారు. శనివారం తన ఛాంబరులో సూపరింటెండెంట్​  డా. వెంకటేశ్వర్లు మాట్లాడారు. ఆస్పత్రిలో పార్కింగ్​ స్థలాలు లేక కొన్నేళ్లుగా రోగులు…వైద్య సిబ్బంది ఇబ్బంది పడుతున్నారని, ఇక నుంచి పార్కింగ్​ సమస్య తలెత్త కూడదని పార్కింగ్​ స్థలాలను కూడా గుర్తించామని, వాటిని అభివృద్ధి చేసిన తరువాత అందుబాటులోకి తీసుకొస్తామని వెల్లడించారు.

రోగికి ఐడీ కార్డు…

వివిధ వ్యాధుల నిమిత్తం వచ్చే రోగులకు ఆయుష్మాన్​ భారత్​ హెల్త్​ (ఐడీ ) కార్డు రూపొందిస్తామని, అందుకు వారి ఫోన్​ నెంబరు లింక్​ ఉన్న ఆధార్​ కార్డును తీసుకురావాలని ఈ సందర్భంగా సూపరింటెండెంట్​ డా. వెంకటేశ్వర్లు మీడియా ద్వారా ప్రజలను కోరారు.  రోగికి వచ్చిన వ్యాధి.. చికిత్స వివరాలు.. రక్త, యూరిన్​ పరీక్షలు తదితర అంశాలను  ఆన్​లైన్​లో పొందుపరిచి…ఐడీ కార్డు ఇస్తామని,  దీంతో సదరు రోగి ఏ ప్రభుత్వ, ప్రైవేట్​ ఆస్పత్రికి చికిత్స నిమిత్తం వెళ్లినా ఐడీ కార్డు నెంబరును కంప్యూటర్​లో పరిశీలిస్తే వివరాలు ఉంటాయని తెలిపారు.  

ఐడీ కార్డు… పీహెచ్​సీలో..

 కర్నూలు జిల్లాలోని ప్రతి ఒక్కరూ తమ ఫోన్​ నెంబరు లింక్​ ఉన్న ఆధార్​ నెంబరుతో ఆయుష్మాన్​ భారత్​ హెల్త్​ ఐడీ కార్డు తయారు చేస్తారని చెప్పిన  సూపరింటెండెంట్​ డా. వెంకటేశ్వర్లు… ప్రతి పీహెచ్​సీలో కూడా ఐడీ కార్డును రూపొందిస్తారని, అక్కడికి వెళ్లి కార్డు తయారు చేయించుకుంటే మేలని, ఇక్కడికి వచ్చి ఇబ్బంది పడరాదని తెలిపారు. ఇందుకు ప్రజలు సహకరించాలని కోరారు.

About Author

Webpostuser #Newsnedu

Webpostuser #Newsnedu

See author's posts