గులాం నబీ ఆజాద్.. రాజకీయాలకు గుడ్ బై చెప్ప‌నున్నారా ?
1 min read
ప‌ల్లెవెలుగువెబ్ : కాంగ్రెస్‌ సీనియర్‌ నేత గులాం నబీ ఆజాద్ రాజకీయాల నుంచి సెల‌వు తీసుకోనున్నారా అంటే .. అవున‌నే స‌మాధానం వ‌స్తోంది. ఇటీవ‌ల ఆయ‌న చేసిన వ్యాఖ్యలు ఇదే సంకేతాన్నిస్తున్నాయి. ఆజాద్‌కు పద్మభూషణ్‌ లభించిన నేపథ్యంలో కశ్మీర్‌కు చెందిన ఓ సంస్థ ఆయనను సత్కరించింది. ఈ సందర్భంగా ఆజాద్ మాట్లాడుతూ.. సమాజంలో మార్పు తీసుకురావడంలో రాజకీయ పార్టీలు విఫలమైనప్పుడు సామాజిక సంస్థలు ఆ బాధ్యత తీసుకోవాలన్నారు. ఇందుకోసం తాను రాజకీయాలకు రిటైర్మెంట్‌ ప్రకటించి సామాజిక సేవా కార్యక్రమాలు ప్రారంభించినా ఆశ్చర్యపోవాల్సిన అవసరం లేదన్నారు. ప్రస్తుతం దేశంలో రాజకీయాలు అసహ్యంగా తయారయ్యాయని పేర్కొన్నారు.
About Author
