శివ భక్తుల సేవలో ‘జి.ఎన్.ఆర్’ ఆసుపత్రి.. ఉచిత వైద్య శిబిరానికి విశేష స్పందన!

పాదయాత్రికులకు సంజీవనిలా ‘జి.ఎన్.ఆర్’ సేవలు.. 16 ఏళ్లుగా నిరంతరాయం.

ప్రతి ఏటా వెయ్యి కిలోమీటర్ల పైగా నడిచివచ్చే భక్తులకు బాసటగా నిలుస్తున్న డాక్టర్ నాగేశ్వరయ్య బృందం.

ట్యాబ్లెట్లు, ఇంజెక్షన్లు, ఆయింట్‌మెంట్లతో పాటు ఉచిత వైద్య సేవలు..

కర్నూలు బ్యూరో న్యూస్​ నేడు: మహాశివరాత్రి పర్వదినాన్ని పురస్కరించుకొని శ్రీశైల మల్లికార్జున స్వామిని దర్శించుకునేందుకు వెళ్లే భక్తులకు జి.ఎన్.ఆర్ (GNR) చారిటబుల్ సొసైటీ కొండంత అండగా నిలుస్తోంది. కర్నూలు నగరం మీదుగా శ్రీశైలానికి పాదయాత్రగా వెళ్లే భక్తుల కోసం ఏర్పాటు చేసిన ఉచిత వైద్య శిబిరం భక్తులకు ఎంతో ఊరటనిస్తోంది. వైద్యులే కాదు.. తాము సేవకులం కూడా అని నిరూపిస్తూ జి.ఎన్.ఆర్ ఆసుపత్రి యాజమాన్యం సామాజిక బాధ్యతను చాటుకుంటోంది.

వైద్య సేవలు – మానవత్వమే పరమార్థం:

జి.ఎన్.ఆర్ ఆసుపత్రి మేనేజింగ్ డైరెక్టర్ డాక్టర్ జి. నాగేశ్వరయ్య గారి నేతృత్వంలో గత 16 ఏళ్లుగా ఈ సేవా కార్యక్రమాలు కొనసాగుతున్నాయి. కర్ణాటక, మహారాష్ట్ర వంటి సుదూర ప్రాంతాల నుండి వేల కిలోమీటర్లు నడిచి వచ్చే భక్తులకు పాదాల నొప్పులు, గాయాలు, గ్యాస్ మరియు ఇతర అనారోగ్య సమస్యల కోసం ట్యాబ్లెట్లు, ఇంజెక్షన్లు, పెయిన్ రిలీఫ్ ఆయింట్‌మెంట్లను నిపుణులైన వైద్యుల పర్యవేక్షణలో ఉచితంగా అందజేస్తున్నారు.

ఈ సందర్భంగా ఆసుపత్రి మేనేజ్‌మెంట్ ప్రతినిధి జి.ఎన్.ఆర్ కుమార్ మాట్లాడుతూ.. దేశం నలుమూలల నుండి వస్తున్న భక్తులకు మన ఆంధ్రప్రదేశ్‌లో ఇలాంటి వైద్య సేవలు అందించడం గర్వకారణమని, ఇది తమ అదృష్టమని పేర్కొన్నారు. వైద్యులతో పాటు ఆసుపత్రి సిబ్బంది అందరూ కలిసి భక్తుల యాత్ర సుఖమయం కావాలనే లక్ష్యంతో అహర్నిశలు శ్రమిస్తున్నారని తెలిపారు.

భక్తుల అభినందనలు:

ఎండ తీవ్రతను కూడా లెక్కచేయకుండా పాదయాత్ర చేస్తున్న తమకు ఈ వైద్య శిబిరం ఒక సంజీవనిలా పనిచేస్తోందని భక్తులు హర్షం వ్యక్తం చేస్తున్నారు. ప్రతి ఏటా క్రమం తప్పకుండా ఈ స్థాయి సేవా కార్యక్రమాలు నిర్వహిస్తున్న డాక్టర్ నాగేశ్వరయ్య బృందాన్ని స్థానికులు మరియు భక్తులు వేనోళ్లా పొగుడుతున్నారు.

పాల్గొన్న వారు:

ఈ వైద్య శిబిరంలో

మేనేజింగ్ డైరెక్టర్: జి. లక్ష్మీదేవి

డి.ఎం.ఓ (DMO): డాక్టర్ నాగేంద్ర, డాక్టర్ వంశీకృష్ణ

హాస్పిటల్ మేనేజర్: శివ

హాస్పిటల్ సొసైటీ మేనేజర్: కుమార్

ల్యాబ్ ఇంచార్జ్: నరసింహ, రమేష్

మార్కెటింగ్ మేనేజర్లు: సంపత్, వి. తిమ్మప్ప, దామోదర్, విశ్వం

మెడికల్ ఇంచార్జ్: బాలాజీ, అనిల్

నర్సింగ్ స్టాఫ్: మాధవి, అశోక్

రాఘవ మెడికల్ ఏజెన్సీస్: అశోక్ కుమార్ పాల్గొన్నారు.

About Author