నేతాజీ ఇంగ్లీష్ మీడియం పాఠశాలలో ఘనంగా ఫుడ్ ఫెస్టివల్
1 min read
పౌష్టికాహారంపై విద్యార్థులకు అవగాహన – జంక్‌ఫుడ్‌కు దూరంగా ఉండాలని సూచన
హోళగుంద న్యూస్ నేడు: హోళగుంద స్థానిక నేతాజీ ఇంగ్లీష్ మీడియం పాఠశాలలో బుధవారం ఫుడ్ ఫెస్టివల్ కార్యక్రమాన్ని ఘనంగా నిర్వహించారు. పాఠశాల విద్యార్థులు వివిధ రకాల ఆహార పదార్థాలను ప్రదర్శనలో ఉంచి, పౌష్టికాహారం ప్రాముఖ్యతపై అవగాహన కల్పించారు.ఈ సందర్భంగా విద్యార్థులు వివిధ రకాల పండ్లు, డ్రైఫ్రూట్స్, ఆకుకూరలు, కాయగూరలు, ఇతర ఆరోగ్యకరమైన ఆహార పదార్థాలతో పాటు జంక్‌ఫుడ్‌ను కూడా ప్రదర్శనలో ఉంచారు. పౌష్టికాహారం తీసుకోవడం వల్ల కలిగే ఆరోగ్య ప్రయోజనాలను విద్యార్థులు వివరించారు. అదేవిధంగా జంక్‌ఫుడ్‌ను అధికంగా తీసుకోవడం వల్ల కలిగే అనారోగ్య సమస్యలు, నష్టాలను కూడా తెలియజేశారు.
విద్యార్థుల ప్రతిభను అభినందించిన అధికారులు
కార్యక్రమానికి ముఖ్యఅతిథిగా హాజరైన ఎంఈఓ-1 డాక్టర్ సుధారాణి మేడం ఫుడ్ ఫెస్టివల్‌ను ప్రారంభించారు. విద్యార్థులు ఎంతో ఆసక్తితో వివిధ రకాల ఆహార పదార్థాలను సేకరించి, వాటి ప్రయోజనాలను వివరించడం అభినందనీయమని పేర్కొన్నారు.
ఈ కార్యక్రమంలో హోళగుంద ఎస్సై దిలీప్ కుమార్, ఎంఈఓ-2 పి. కబీర్ సాబ్, స్టేట్ బ్యాంక్ మేనేజర్, పోస్ట్‌మాస్టర్ భాస్కర్ తదితరులు పాల్గొన్నారు.
పౌష్టికాహారంపై అవగాహన కల్పించిన విద్యార్థులు
గ్రామంలోని వివిధ పాఠశాలలకు చెందిన విద్యార్థులు, ఉపాధ్యాయులు ఫుడ్ ఫెస్టివల్‌ను సందర్శించి విద్యార్థులు ఏర్పాటు చేసిన ప్రదర్శనలను ఆసక్తిగా తిలకించారు. దాదాపు అన్ని రకాల పండ్లు, కాయగూరలు, ఆకుకూరలు, డ్రైఫ్రూట్స్ తదితరాలను ప్రదర్శనలో ఉంచి వాటి పోషక విలువలను వివరించడం ప్రత్యేక ఆకర్షణగా నిలిచింది.ఈ సందర్భంగా నేతాజీ ఇంగ్లీష్ మీడియం పాఠశాల విద్యార్థుల ప్రతిభను అధికారులు, ఉపాధ్యాయులు అభినందించారు. విద్యార్థుల్లో సృజనాత్మకతతో పాటు ఆరోగ్యం, పౌష్టికాహారంపై అవగాహన పెంపొందించేలా ఫుడ్ ఫెస్టివల్ నిర్వహించడం పట్ల నిర్వాహకులను అభినందించారు.
About Author
