తను కూడా అదే బాట..
1 min read
సినిమా డెస్క్ : ‘ఊహలు గుస గుసలాడే’ సినిమాతో టాలీవుడ్‌లో ఎంట్రీ ఇచ్చిన బూరి బుగ్గల సుందరి రాశీ ఖన్నా ఇప్పుడు వెబ్ సిరీస్‌ల వైపు అడుగేస్తోంది. లేటెస్ట్‌గా స్టార్‌ హీరోయిన్లంతా అదే బాట పడతున్నప్పుడు తనేమీ తక్కువ కానంటూ ఓ మాంచి ప్రాజెక్ట్‌లో చాన్స్‌ కొట్టేసింది. ‘ది ఫ్యామిలీ మ్యన్’ సిరీస్ ని తెరకెక్కించిన రాజ్ అండ్ డీకే త్వరలో మరో వెబ్ సిరీస్ ని ప్రారంభిస్తున్నారు. ఇందులో షాహిద్ కపూర్ కీలకపాత్రలో నటిస్తున్నారు. హీరోయిన్ గా రాశీఖన్నాను ఫైనల్ చేసారు.
ది ఫ్యామిలీ మ్యాన్ సిరీస్ కి ఓటీటీలో మంచి రేటింగ్ వచ్చింది. సీజన్ 2 ఫస్ట్‌ పార్ట్‌ కంటే హిట్టయ్యింది. అందులో నటించిన యాక్టర్స్‌కి మంచి పేరు వచ్చింది. ఇక సమంతకైతే మరీ క్రేజ్‌ తెచ్చి పెట్టిందీ సిరీస్. సీజన్ 2 లో ఎల్.టి.టి.ఇ తీవ్రవాది రాజీ పాత్రలో సమంత నటనకు మంచి అప్లాజ్‌ అందుకుంది. నెక్ట్స్‌ రాజ్ అండ్ డీకే ఫ్యామిలీ మ్యాన్‌ని మించిన థ్రిల్లర్ సిరీస్‌ని రూపొందిస్తున్నారని టాక్. ఇందులో రాశీ ఖన్నా కు ఆఫర్ రావడం గ్రేట్‌ అంటున్నారంతా. ఇది కాకుండా రాశీఖన్నా ప్రధాన పాత్రగా సురేష్ వంగ అనే దర్శకుడు మరో వెబ్ సిరీస్ తీస్తున్నాడట. దీన్ని తెలుగు ఓటీటీ కోసం చేస్తున్నారని, క్రైమ్ యాక్షన్ నేపథ్యంలో ఉంటుందని సమాచారం. ఇందులో ఆమె ఇన్వెస్టిగేషన్ ఆఫీసర్‌‌గా కనిపించనుది. ఇప్పటి వరకూ ఎన్ని సినిమాల్లో నటించినా స్టార్‌ హీరోయిన్ అనిపించుకోలేకపోయింది. మరి ఈ సిరీస్‌తో అయినా తన ఫేమ్‌ ఆ లెవల్‌కి చేరుతుందేమో చూద్దాం. ప్రస్తుతం రాశీఖన్నా నాగచైతన్యకు జోడీగా ‘థాంక్యూ’ గోపీచంద్ సరసన ‘పక్కా కర్శియల్’ చిత్రాల్లో నటిస్తోంది.
About Author
