కింగ్ నాగార్జున షూటింగ్ షురూ..
1 min read
సినిమా డెస్క్ : టాలీవుడ్ కింగ్ నాగార్జున ప్రస్తుతం ప్రవీణ్ సత్తార్ దర్శకత్వంలో ఒక సినిమా చేస్తున్న విషయం తెల్సిందే. జెట్ స్పీడ్ తో సాగుతున్న షూటింగ్ కు కరోనా వల్ల బ్రేక్ పడింది. అన్‌లాక్‌ తర్వాత ఇప్పుడు తిరిగి షూటింగ్ ప్రారంభించారు. సినిమాకు సంబంధించిన సన్నివేశాలను ప్రస్తుతం తెరకెక్కిస్తున్నారు. షూటింగ్ ప్రారంభం అయ్యిందనే విషయాన్ని తెలియజేస్తూ ఈ ఫొటోను యూనిట్ సభ్యులు షేర్ చేశారు. నాగార్జునను వెనుక నుండి చిత్ర యూనిట్ సభ్యులు చూపించారు. మంచి ఫిజిక్ తో మరింత వయసు తగ్గి కనిపించబోతున్నట్లుగా ఈ బ్యాక్ ఫొటోను చూస్తుంటే అనిపిస్తోందంటూ అక్కినేని అభిమానులు కామెంట్స్ చేస్తున్నారు. ఈ సినిమాలో నాగార్జున రా ఏజెంట్ గా కనిపించబోతున్నాడని సమాచారం. గత చిత్రాన్ని మించి ఈ సినిమాలో యాక్షన్ సన్నివేశాలుంటాయని యూనిట్ సభ్యులు చెబుతున్నారు. ఇక ఈ సినిమా లో కాజల్ కీలక పాత్ర చేస్తుందనీ, ఆమెకీ యాక్షన్ సన్నివేశాలుంటాయని అంటున్నారు. నాగార్జున ఒక వైపు ఈ సినిమాను చేస్తూనే మరో వైపు ‘బంగార్రాజు’ సినిమాను పట్టాలెక్కించేందుకు సిద్దం అవుతున్నారు. ప్రవీణ్ దర్శకత్వంలో తెరకెక్కుతున్న ఈ సినిమా ముగిసాకే ‘బంగార్రాజు’ సినిమాను నాగార్జున పట్టాలెక్కించే అవకాశం ఉందని ఇండస్ట్రీ వర్గాలు అంటున్నాయి.
About Author
