భారీగా పెంచారు.. 5,10 తగ్గించారు !
1 min read![](https://i0.wp.com/newsnedu.com/wp-content/uploads/2021/11/1085857-sajjala-1.jpg?fit=500%2C300&ssl=1)
పల్లెవెలుగు వెబ్ : పెట్రోల్ ధరల పై ఏపీ ప్రభుత్వ ప్రధాన సలహాదారు సజ్జల రామకృష్ణారెడ్డి స్పందించారు. పెట్రోల్ ధరలపై బీజేపీ అవాస్తవాలు ప్రచారం చేస్తోందని ప్రభుత్వ ప్రధాన సలహాదారు సజ్జల రామకృష్ణారెడ్డి ధ్వజమెత్తారు. వాస్తవాలపై ఇప్పటికే వైఎస్సార్సీపీ ప్రభుత్వం పబ్లిక్ ప్రకటన ఇచ్చిందన్నారు . పెట్రోల్ ధరలను కేంద్రం పెంచి.. రాష్ట్రాన్ని తగ్గించమనడం ఏంటని ప్రశ్నించారు. పెట్రోల్పై కేంద్రం రూ. 3.35 లక్షల కోట్లు వసూలు చేసిందన్నారు. అందులో ఎక్సైజ్ డ్యూటీ కేవలం రూ. 47 వేల 500 కోట్లు అని.. ఆ మొత్తంలో అన్ని రాష్ట్రాలకు వచ్చింది రూ. 19,475 కోట్లు మాత్రమేనని తెలిపారు. మిగిలిన 3 లక్షల 15 వేల 525 కోట్లు నేరుగా కేంద్రం ఖజానాకే జమ అయ్యాయని తెలిపారు.