ఎల్లర్తి దర్గాలో ప్రత్యేక పూజలు నిర్వహించిన ఎమ్మెల్యే
1 min read
హజరత్ షేక్షావలి సాహెబ్, షాషావలి సాహెబ్ ఆశీస్సులు పొందిన ఎమ్మెల్యే విరుపాక్షి
చిప్పగిరి కందూరు మహోత్సవంలో పాల్గొన్న ఆలూరు ఎమ్మెల్యే
మత సామరస్యానికి ప్రతీకగా ఎమ్మెల్యే బుసినే విరుపాక్షి పాల్గొనడం
ప్రజల సుఖశాంతుల కోసం ప్రత్యేక ప్రార్థనలు చేసిన ఎమ్మెల్యే విరుపాక్షి
హోళగుందన్యూస్ నేడు: ఆలూరు నియోజకవర్గం హోళగుంద మండలం ఎల్లర్తి గ్రామంలో ఉన్న పవిత్ర హజరత్ షేక్షావలి సాహెబ్, హజరత్ షాషావలి సాహెబ్ వారిని ఆలూరు నియోజకవర్గ ఎమ్మెల్యే శ్రీ బుసినే విరుపాక్షి దర్శించుకుని ప్రత్యేక పూజలు నిర్వహించారు. దర్గాకు చేరుకున్న ఎమ్మెల్యేకు స్థానిక పెద్దలు, కమిటీ సభ్యులు, గ్రామస్తులు ఘన స్వాగతం పలికారు. అనంతరం ఎమ్మెల్యే దర్గాలో ప్రత్యేక ప్రార్థనలు నిర్వహించి ప్రజలందరూ సుఖసంతోషాలతో ఉండాలని ప్రార్థించారు.ఈ సందర్భంగా ఆలయ అర్చకులు మరియు దర్గా పెద్దలు ఎమ్మెల్యే బుసినే విరుపాక్షికి తీర్థ ప్రసాదాలు అందజేసి ఆశీర్వదించారు. ప్రజల మధ్య ఐక్యత, సోదరభావం మరింత బలపడాలని ఎమ్మెల్యే ఆకాంక్షించారు. అన్ని మతాలు శాంతి, ప్రేమ, మానవత్వాన్ని బోధిస్తాయని, ప్రజలు పరస్పర గౌరవంతో జీవించాలని సూచించారు.అనంతరం చిప్పగిరి గ్రామవాసి గురు వెంకటేశ్వర్లు ఆధ్వర్యంలో నిర్వహించిన కందూరు మహోత్సవానికి ఎమ్మెల్యే బుసినే విరుపాక్షి ముఖ్య అతిథిగా హాజరయ్యారు. మహోత్సవంలో ప్రత్యేక ప్రార్థనలు నిర్వహించి ప్రజల క్షేమం కోసం ప్రార్థించారు. కార్యక్రమానికి పెద్ద సంఖ్యలో భక్తులు హాజరై ఆధ్యాత్మిక వాతావరణంలో పాల్గొన్నారు. ఎమ్మెల్యే రాకతో కార్యక్రమానికి మరింత ఉత్సాహం నెలకొంది.ఈ సందర్భంగా ఎమ్మెల్యే మాట్లాడుతూ ప్రజలందరూ ఐక్యంగా ఉండాలని, గ్రామాల అభివృద్ధికి ప్రతి ఒక్కరూ సహకరించాలని కోరారు. మత సామరస్యం మన సంస్కృతికి ప్రతీక అని, ఇటువంటి ఆధ్యాత్మిక కార్యక్రమాలు సమాజంలో మంచి మార్పుకు దోహదపడతాయని తెలిపారు. ప్రజల ఆశీర్వాదాలతో ఆలూరు నియోజకవర్గ అభివృద్ధికి నిరంతరం కృషి చేస్తానని ఎమ్మెల్యే పేర్కొన్నారు.ఈ కార్యక్రమంలో మండల కన్వీనర్ షఫీ ఉల్లి , జడ్పీటీసీ శేషప్ప , జిల్లా ఉపాధ్యక్షుడు ఎస్కే గిరి , చిప్పగిరి గురు గోపాల్ , కొండ కృష్ణమూర్తి , వైఎస్సార్సీపీ నాయకులు, కార్యకర్తలు, బీవీఆర్ అభిమానులు, గ్రామ పెద్దలు, యువకులు మరియు భారీ సంఖ్యలో భక్తులు పాల్గొన్నారు.
About Author
