హొళగుందలో అభివృద్ధికి బాటలు…
1 min read
రూ.50 లక్షల సీసీ రోడ్ల నిర్మాణానికి ఘనంగా భూమిపూజ
గ్రామ మౌలిక వసతుల అభివృద్ధికి ప్రాధాన్యత
హొళగుంద న్యూస్ నేడు: హొళగుంద గ్రామంలో అభివృద్ధి పనులకు మరో ముందడుగు పడింది. గ్రామంలోని వివిధ ప్రాంతాల్లో రూ.50 లక్షల వ్యయంతో నిర్మించనున్న సీసీ రోడ్ల నిర్మాణ పనులకు సోమవారం ఘనంగా భూమిపూజ కార్యక్రమం నిర్వహించారు. సీసీ రోడ్ల నిర్మాణం పూర్తయితే గ్రామ ప్రజలకు మెరుగైన రహదారి సౌకర్యం అందుబాటులోకి రానుంది.ఆలూరు నియోజకవర్గ టీడీపీ ఇంచార్జ్ వైకుంఠం జ్యోతి, యువ నాయకుడు వైకుంఠం శివప్రసాద్ ఆదేశాల మేరకు, తెలుగు యువత రాష్ట్ర మాజీ కార్యదర్శి చిన్నహ్యాట శేషగిరి ఆధ్వర్యంలో ఈ భూమిపూజ కార్యక్రమం నిర్వహించారు.గ్రామాల్లో మౌలిక వసతులను మెరుగుపరచడంతో పాటు ప్రజలకు అవసరమైన రహదారి సౌకర్యాలను కల్పించడమే లక్ష్యంగా అభివృద్ధి పనులకు ప్రాధాన్యత ఇస్తున్నట్లు నాయకులు తెలిపారు. సీసీ రోడ్ల నిర్మాణం పూర్తయితే వర్షాకాలంలో రాకపోకలకు ఎదురయ్యే ఇబ్బందులు తగ్గడంతో పాటు ప్రజలకు సురక్షితమైన రహదారి సౌకర్యం అందుబాటులోకి వస్తుందని పేర్కొన్నారు.ఈ సందర్భంగా టీడీపీ నాయకులు మాట్లాడుతూ హొళగుంద గ్రామ అభివృద్ధికి అవసరమైన మౌలిక వసతుల కల్పనకు నిరంతరం కృషి చేస్తున్నామని తెలిపారు. ప్రజల అవసరాలను గుర్తించి దశలవారీగా అభివృద్ధి పనులు చేపడుతున్నామని పేర్కొన్నారు. రోడ్లు, డ్రైనేజీ, తాగునీరు తదితర మౌలిక సదుపాయాల అభివృద్ధికి ప్రాధాన్యత ఇస్తున్నట్లు తెలిపారు.భూమిపూజ కార్యక్రమంలో టీడీపీ కన్వీనర్ తిప్పయ్య, రాజా పంపన్న గౌడ్, దుర్గయ్యతో పాటు జనసేన, బీజేపీ నాయకులు, టీడీపీ సీనియర్ నాయకులు, యువ నాయకులు, కార్యకర్తలు, గ్రామ పెద్దలు, ప్రజలు పెద్ద సంఖ్యలో పాల్గొన్నారు.ఈ కార్యక్రమంలో రైస్ మిల్ మురళి, మాజీ వార్డు మెంబర్ నూర్, ఎం. వెంకటేష్, టీడీపీ సీనియర్ నాయకులు పంపాపతి, శాలి అమన్ తదితరులు పాల్గొన్నారు.రూ.50 లక్షల వ్యయంతో చేపట్టనున్న సీసీ రోడ్ల నిర్మాణ పనులు త్వరగా పూర్తయి ప్రజలకు అందుబాటులోకి రావాలని గ్రామ ప్రజలు ఆకాంక్షించారు. అభివృద్ధి పనులకు సహకరిస్తున్న నాయకులకు గ్రామ ప్రజలు కృతజ్ఞతలు తెలిపారు.
About Author
